قصيدة :سلام الله علی موسى بن جعفر والجواد مكتوبة

الشاعر : سيد عبدالخالق المحنة

الرادود : الحاج ملا باسم الكربلائی

 

سلام الله على موسى بن جعفر و الجواد

قاصد و كل خطوة دمعة دمعة الزاير سلام

لو غمض جفني بمصابك يبقى جرحي ما ينام

انت باب الله الوسيعة بحظرتك يحلى الكلام

سابقت روحي ودمعتي و غازلن دمع الحمام

خايف و بعيوني نظرة تحمل اشواق و غرام

قالو المهموم يفرح لو دخل باب المراد

*****

انته مدفون بضميري ما يدفنوك بتراب

و التراب يصير اخضر من يضم وردة شباب

و الورد يفقد ربيعه من تهب نسمة غياب

نظرة العطشان دمعه تمزق خيوط السراب

و انته كل عمرك طفوف عايش ابذاك المصاب

و الله مو بس الضماير يحزن عليك الجماد

*****

سيدي يا ابو الهادي من السطح لمن رموك

طيحة العطشان جدك من جواده ذكروك

يا حسين تصيح و انته مكسرة ضلوعك لقوك

هم ثلاثة ايام مثله لا دفن لا غسلوك

هم متت عطشان مثله تصيح ظامي و ما رموك

شي اكيد اتذكرت زينب مشت فوق الرماد

*****

من أصفح ذكرياتك بالسجن والغربة نار

واليعيش بحفرة ظلمة  ليله يتساوى بنهار

لوحة من بعض المآسي انرسمت بدم عالجدار

چفوفك التنزف تحدي وسكتتك چانت فقار

تزاحمت بيك السلاسل مشيتك هيبة ووقار

كل شي للخالق يسبح يعلن عليك الحداد

*****

سيدي هاي المصيبة شيبت حتى الجنين

بالسجن تبدي حياتك وانتهى عمرك سجين

من أزور الكاظمية أسمع بقبرك أنين

ياللي مدفون بقيودك حتى تابوتك حزين

وحدك ولا من عشيرة لا أخوتك لا بنين

عالجسر نادى المنادي والاهل عنك بعاد

*****

حشمت وين الروافض  عالجسر نعش الغريب

هذا بن سيد البرية والحبيب ابن الحبيب

عالرؤوس نشيل نعشه ويكثر الون والنحيب

وين أهل هاي الجنازة أسمع ينادي الطبيب

يالمحب ابعث سلامك بالطلوع وبالمغيب

حضرة المسموم كعبة ظلت تطوفه العباد

تعليقات

لإرسال تعليق یجب أن تسجل في الموقع

مقاطع فيديو

more_horiz

مقالات المرتبطة

آخر الصوتيات المضافة

آخر المرئيات المضافة

  • 2.00x
  • 1.50x
  • 1.00x
  • 0.75x