قصیدة : راحوا یا جدی

الشاعر : الأديب جابر الكاظمي

الرادود : الحاج ملا باسم الكربلائي
في حسينية المرحوم الحاج داود العاشور

 


راحوا يجدي خلوني وحدي
جيت على قبرك انحب واخبرك
خلوني وحدي
******
انا العليلة يجدي وجفني دامي
جيت لضريحك ابث حزني وهيامي
انا ادري حي بعدك وتسمع كلامي
تجاوبني لو سلمت وترد سلامي
بارينة صانك رافع كيانك
يالعالي قدرك انحب واخبرك
خلوي وحدي
******
اعتب ولا يجدي لوم ولاعتابي
مليت من وحدتي وظيم اكتئابي
قلت اقصد لقبرك واشرح مصابي
هاي انا جيت بالم حزني وعذابي
طفلة تراني بحيرة زماني
ماريد اقهرك انحب واخبرك
خلوني وحدي
******
باخر وداعه الابو اخر سلامه
مسد على هامتي بجف الملامة
ياربي سترك كلت هذي العلامة
معناها رحت انحسب من اليتامه
قلبي بوداعه حس بضياعه
بهالسر اسرك انحب واخبرك
خلوني وحدي
******
هذا الحصل يا رسول الله وجرالي
عافوني اهلي وحيده وهذا حالي
انطوني الدموع خذو بسمة دلالي
ظليت اعد واحسب ايام وليالي
بهذا انتظاري ليلي ونهاري
بيا عين انظرك انحب واخبرك
خلوني وحدي
******
فتني المرض يا رسول الله واحشمك
ميتة عساني ويريت اندفن يمك
بنفس اللحد واجمع همومي وية همك
ويضمني نفس التراب الي يضمك
وبهذا صوتي اترجى موتي
ضمني على صدرك انحب واخبرك
خلوني وحدي
******
شتسوة بعد يارسول الله حياتي
اترجة بعد الاهل ساعة مماتي
دعيت الاله بدموع النايبات
ياربي رجع هلي البيهم نجاتي
انظر واراقب شنهو العواقب
يارب سترك انحب واخبرك
خلوني وحدي

تعليقات

لإرسال تعليق یجب أن تسجل في الموقع

مقاطع فيديو

more_horiz

مقالات المرتبطة

آخر الصوتيات المضافة

آخر المرئيات المضافة

  • 2.00x
  • 1.50x
  • 1.00x
  • 0.75x