Tue20210126


ثار الضلع

باسم الكربلائي

ثار الضلع باسم الكربلائي
باسم الكربلائي
لطميات
إجعل هذا الفيدیو في موقعك
128 × 72
240 × 135
480 × 270
640 × 360
عرف
:طول
px
:عرض
px
ثار الضلع - باسم الكربلائي
تاريخ الاضافة
2014-03-26
المشاهدة
2343
المدة
00:18:23
عدد التحميلات
527

نص هذا المقطع

قصيدة : ثار الضلع
الشاعر : السيد عبدالخالق المحنّه

الرادود : الحاج ملا باسم الكربلائی 

 

داري من وصلها إبلا إذن دخلها يبويه يبويه
إتحجبت بيديه من هجم عليه يبويه يبويه
******
فاجأني ما عندي علم بأفعال الأصحاب
يهجم على دارالنبي وآنا بلا إحجاب
ناديته آني فاطمه لا تدفع الباب
قلي وإن بنت النبي مات النبي وغاب
صاحبه التوّله...لا تحن يقله.. يبويه يبويه
بايع الحميه...من هجم عليه ..يبويه يبويه
******
من تقترب يمي تره تتعده الحدود
قال إلها ميت والدج ماممكن إيعود
قالت له حماي الحميه إبداري موجود
قال إلها حته حيدره إتشوفينه مقيود
ريتك إتحضرني..عالوجه سطرني يبويه
غايته الأذيه..من هجم عليه يبويه يبويه
******
ظل يدفع الباب إبحقد وين اليمنعه
و يقلي موتي إمن الألم موتي يبضعه
ياحيدر و كسر الضلع ظليت أسمعه
كل عصره أشعر تنطبق سبعه إعله سبعه
والتعده حده...غيره ما كو عنده يبويه
ناوي يقصي بيه..من هجم عليه يبويه يبويه
******
يابويه أغرب ماشفت من هاي الأشرار
بعد الجره ردوا إلي إيطلبون الأعذار
رد التحيه بالشرع واجب يمختار
عرفوا إذا ما سامحت مأواهم النار
ينظرالجراحي...يرتجي سماحي يبويه يبويه
خاين الوصيه...من هجم عليه يبويه يبويه
******
ماسامحتهم غاضبه إعليهم تراني
وإشلون أسامح من سطرعيني وعماني
كل لعنة الباري عله الطقني و رماني
والباري يغضب ياخلق من أغضب آني
ساخطه عليهم...موتتي إعله إيديهم يبويه
قربت المنيه...من هجم عليه يبويه يبويه
******
لو مايشعرون إبذنب من هاجموني
ماجو يطلبون العذر و إتوسلوني
و الشكوا إبهذا الأمر خل يسمعوني
لو هم ما عندهم ذنب إلمن يجوني
والنكرمحنتي...شارك إبجتلتي يبويه
روحه ناصبيه...من هجم عليه يبويه
******
والدافعوا عن محنتي و قالوا رزيه
نعتوهم بأهل البدع و الطائفيه
واليطلب إبثارالضلع يحمل أذيه
ماينحسب من شيعتي الصافح أميه
شيعي ما حسبته...ناصبي و كرهته يبويه
شيعي بالهويه...من هجم عليه يبويه
******
ماحسبه من شيعة علي البايع ضميره
واللي يساوم عالضلع ماعنده غيره
و الما ينوح المحنتي يعرف مصيره
هذا أميره مو علي الشيطان أميره
فايز اليودني...خاسراليضدني يبويه
أروي للبريه...من هجم عليه يبويه

المرسل: الأحد, 24 كانون2/يناير 2021