Mon20210510


قلبي كتاب

باسم الكربلائي

قلبي كتاب باسم الكربلائي
باسم الكربلائي
لطميات
إجعل هذا الفيدیو في موقعك
128 × 72
240 × 135
480 × 270
640 × 360
عرف
:طول
px
:عرض
px
قلبي كتاب - باسم الكربلائي
تاريخ الاضافة
2014-03-19
المشاهدة
5170
المدة
00:19:11
عدد التحميلات
663

نص هذا المقطع

 قصیدة : للأحزان قلبي إكتاب
الشاعر : الأديب الحاج جابر الكاظمي
الرداود : الحاج ملا باسم الکربلائي

 

للأحزان          ...قلبي          إكتاب
يقره      إمصاب...     بعد     إمصاب
راحوا    لي    طفلين...صابوني   سهمين
******
هاي   أمك   الوديعه  و  إسمعها  شتقول
لو    عاتبت    عتبها    يالغايب   إيطول
بالرحمه      للبريه      والدها     مرسول
و   الظالم   الظلمها   عن   ذنبه  مسئول
كل     ما     راد     ...يبدي     أعذار
أنسه      إشلون      ...حرق      الدار
ظلموني      باثنين...صابوني      سهمين
******
و   الما   رعوا   حجابي   شرهم  بالعيون
هجمة  عدو إعله داري قصدوا يهجمون
عن كل حقوقي أسكت من عندي يردون
بضعة   محمد   آني   و   كلهم   يعرفون
هاي          الناس...ناس         أوغاد
عدها      إقلوب...     كلها     أحقاد
شلهم   عليّ   دين   ...صابوني  سهمين
******
عنهم  ردت  ملاذي  من  أجل الحجاب
يالغايب  إعله  صدري  من  دفعوا الباب
صابوا   قلب  جنيني  وي  قلبي  إنصاب
و  المحسن  الفجعني  دم  دمعي  سجاب
طفلي      الطاح      ...كوكب      نور
عمره      الجان...      سبع      إشهور
مني   خذه   البين   ...صابوني   سهمين
******
داري   الوحي   الإسمها  مشكاة  الأنوار
للهادي    و   الرساله   مستودع   أسرار
يستأذن    بدخوله    من   يدخل   الدار
و   بلا  خجل  إجوها  دخلوها  الأشرار
يا     بو     حسين...صحت    إبصوت
خلف      الباب     ...شفت     الموت
عني   رحت   وين   ...صابوني   سهمين
******
عني  الأعادي  ستري من عندي مطلوب
قبل   الضلع   جنيني   حسيته  مصيوب
عالحايط  العصرني  دم  صدري  مخضوب
ما   تنقبل   له   توبه   لو   رايد   إيتوب
أشكي                    الحال...للمعبود
عالظلام         ...عندي         إشهود
عن   ضلعي  و  العين...صابوني  سهمين
******
يا  من  ردت  تناشد  عن  بيت الأحزان
عالمحسن   و   مصابه   كل  الحزن  جان
صوت  العدو  إعله متني من عنده نيشان
و  عيني  الذي  طفاها عن هضمي برهان
ما        تنزال        ...بيَّ        إجروح
و       المهضوم       ...طبعه      النوح
فجعوني      مرتين...صابوني      سهمين
******
أول   جرح   جنيني   من   بين   الجروح
و   بلوعة   إنتظاري   و   المحسن  إيروح
ثاني   جرح   جعلني   ما   أقطع   النوح
ضامي  الجبد  و  أشوفه  عبدالله  مذبوح
لو       هليت...دم       و       إدموع
بيد       حسين      ...شفته      إيلوع
و   بطفل   الحسين   ...صابوني  سهمين
******
ما   ينوصف  شعوره  مجروح  الإحساس
مثل   الزمن  فجعها  هم  شفتو  يا  ناس
جبد  إبطشت  أشوفه و فوق الرمح راس
و   الأثر   إبدليلي   جرح   إبني  عباس
و    إخته    إتصيح    ...قلبي    إحتار
قوم    و    شوف...    خيل    و   نار
ما   عنده   جفين   ...صابوني   سهمين

المرسل: الأربعاء, 14 نيسان/أبريل 2021