قصیدة : لیش الاودهم

 الشاعر : السيد عبد الخالق المحنة

 الرادود : الحاج ملا باسم الكربلائي 


ليش الأودهم ...أحفر لحدهم
ما يسوه و الله ...عمري بعدهم

******

آنا طعم النوم أبداً ما عرفته
و الأريده يا زمن مني أخذته
جم عزيز اليحله بعيوني فقدته
جم حبيب الغمضت عينه و دفنته
منهو البقى لي...و أشكيله حالي
و السكنوا إلحود... محد يردهم

******

آنا يا ناس العليل الما رعوني
هم سبوني و بالسلاسل قيدوني
روحي ملهوفه اعله أهلي الضيعوني
بالله يا ناس ابدفنهم ساعدوني
أرضه بنصيبي...و أدفن حبيبي
و أصرخ يمظلوم... حزنك أشدهم

******

ندفن الأنصار كلها ابحفره وحده
بس قبر عمي ابن ظاهر نفرده
هذا شيخ أنصارنه و الوفّه وعده
و جاسم العريس وياهم نوسده
كلهم سويه ...أهل الحميه
و بجاسم ايصير ...كامل عددهم

******

اهنا احفروا لي قبر لكن نوسعه
هذا بويه حسين شوفوا اشلون وضعه
جسمه الموذر تناثر قطعه قطعه
بالله جيبوا لي حصيره و خل أجمعه
جسمه توزع ...لمن تقّطع
ويلي عله حسين... صبوا حقدهم

******

يالتقلي ابيا سبب صدري ضربته
خنصره المقطوع لسه ما وجدته
يالسلبت الخاتم اعليمن قطعته
ابهالفعل قلبي و قلب زينب مردته
آه يا زماني...سهمك عماني
أغله و أعز ناس... أبجي الفقدهم

******

أدري ما يرتاح أبويه و يطفه جمره
الا عبدالله نوسده فوق صدره
شنهو ذنبه هالطفل مقطوع نحره
يا بني أسد و الله ست اشهور عمره
سهم المنيه...ريته اليه
يالغالي و اعداك... لا رحمه عدهم

******

وين أخويه احزام ظهري انكسر ظهري
جلمة الخوه تموت اوياك أدري
و بمصابك يبن ابويه غاب صبري
عقب إخوتي و الأهل ما يسوه عمري
خويه يالاكبر...لونك تغّير
جدك بالحساب ...خصمك يضدهم

******

للنهر يا ناس روحتنه الأخيره
هذا رفعت روسنه و بدر العشيره
أرد أقله زينب ابمحنه جبيره
آه يا عمي مشت زينب أسيره
قالت لي شوفه...قبّل جفوفه
قله يعباس... فرحت

تعليقات

لإرسال تعليق یجب أن تسجل في الموقع

مقاطع فيديو

more_horiz

مقالات المرتبطة

آخر الصوتيات المضافة

آخر المرئيات المضافة

  • 2.00x
  • 1.50x
  • 1.00x
  • 0.75x