Thu20210729


أخذني الشوق

باسم الكربلائي

أخذني الشوق باسم الكربلائي
باسم الكربلائي
لطميات
إجعل هذا الفيدیو في موقعك
128 × 72
240 × 135
480 × 270
640 × 360
عرف
:طول
px
:عرض
px
اخذني الشوق - باسم الكربلائي
تاريخ الاضافة
2014-03-10
المشاهدة
2630
المدة
00:16:21
عدد التحميلات
665

نص هذا المقطع

قصيدة : أخذني الشوق
الشاعر : علي الخفاجي

الرادود : الحاج ملا باسم الكربلائي
ليالي استشهاد الرسول الأكرم في حسينية أحمد عاشور

 

هز قلبي الحنين و روحي ملهوفه... يا يوم و ضريح المصطفه إنشوفه

مشتاق لزيارته...ملهوف لزيارته

******

أخذني الشوق للمصطفه و لترابه ... و أطب جنة عدن من أوقف ببابه
نعم جرح الهجر ما يبرد إصوابه... رغم بعد المسافه دمعتي إتطوفه

******

مشتاقه تصلي بمرقده إعيوني... أتحده النواصب من يمنعوني
وي سرب الحمام الجاي يلقوني... أوصل قبته و للموت ما عوفه

******

أريد أوصل لعد شباج أبو الغيره... أصيحن ليك إجيت إبدمعة الحيره
عفت كل الأهل و الناس و الديره ... يوصل خادمك لو قطعوا إجفوفه

******

شيعي و رافضي و هيهات أتغير... تعلمت العشق من مالك الأشتر
ما تمنعني عنك قطعت المنحر... إسمك يا محمد أكتب إحروفه

******

ما عوفك لون لامتني كل الناس... أجي و شوق القلب و الروح ما ينقاس
أقسم لك قسم بحسين و العباس... ما أخشه ظلم فرعون و إسيوفه

******

أسولف بيك أسولف ما يهموني... و ازورك لو ألف ذبحه يذبحوني
أنا إمتعب المشانق ما يتعبوني... إيد الرافضه ما تبقه مجتوفه

******

يا هو القال شيعة حيدر إتعوفك... و بهاي الضماير خالد إنشوفك
تجي الساعه نجيك إزحوف و إنطوفك... و يوم التضحيات الشيعه موصوفه

******

من صرخة رفضنه ما تخلينه ... أشما ما حكمت أميه و جارت اعلينه
كتبنا لك عهد و بدمنه ماضينه ... يظل حبك نهر ما تنشف إجروفه

المرسل: الثلاثاء, 02 شباط/فبراير 2021