زينب يا أملي

قصيدة : زینب یا املی

الشاعر : الأديب الحاج جابر الكاظمي

 الرادود : الحاج ملا باسم الكربلائی

زينبُ يا أملي .... و شمعةَ الرسلي .... تزهو ببيتِ علي
بضعةُ حيدر .... ساقيَ الكوثر

******

نورين من قلب السمه و يزهن شمعتين
نور الحسن و الثاني شع من وجه الحسين
مو فرحه وحده المرتضه بقلبه فرحتين
زينب الشمعه الثالثه شافتها كل عين
زينبُ تزدهرُ .... زهى لها القمرُ
و الأنجم الزَهرُ .... بنت الجوهر

******

بالحسن هادينه ابتشر من شاهد النور
ميلاد أبو الأكبر قلب للزهره مسرور

ثالث هديه اتخص علي محفلها معمور
ما بين زينب و الوصي بدر الوفه ايدور
زينبُ مولدُها .... بالحبِ يرفدُها
حيدرُ والدُها .... فهو المصدر

******

مثل الحسين و فاطمه و ابنفس الآمال
مثل الرسول اوي الحسن يتشابه الحال
حب حيدر الزينب صبح مضرب للأمثال
ميلاد زينب كل ملك بيه صرح و قال
زينبُ فاهمةٌ .... بالحقِ عالمةٌ
و الأمُ فاطمةٌ .... أما المحور

******

نزلت بشاير من لدن عالم الرحمان
يا الهادي هذي شيعتك للعفه عنوان
للحره لو رايد إسم يا صاحب الشان
سميها زينب و الإسم من رب الكوان
زينبُ خالقها .... كالشمسِ أشرقها
بالحقِ أنطقها .... فيها بشّر

******

بارينه جاعل هالاسم سر امن الأسرار
للوحي بلغ و الوحي بلغ المختار
هادينه عن هذا الإسم بلغ الكرار
حيدر ابهذي الفرحه قصد يم الأطهار
حيدرُ خّبرها .... بالإسمِ بشّرها
بالسرِ نّورها .... و هو الأنور

******

بيت الوحي الليله انجعل بالفرحه مرصود
ميلاد زينب بت علي بالبهجه مشهود
بت حيدر و سر الإسم للخالق ايعود
أم الصبر صبر القلب وياها مولود
اللهُ شرفها .... بالعلمِ أتحفها
و الكل يعرفها .... نورٌ