قصيدة : طبعي كربلائي

للشاعر : السيد عبدالخالق المحنّه

الرادود : الحاج ملا باسم الكربلائی

طبعي          كربلائي...          و          استمع         ندائي
للموت  و  افتخر  خادم  يسموني...  للموت كربله شايلها بعيوني
******
مجالسنه  مدارس  موقف وهمه ...ملكنه امن الطفوله عشق ابو اليمه
هوايتنه  الوفه  ونذوب  بالخدمه...  إذاً  كل  كربلائي يفتخر بسمه
عاشق              المنابر              ...فارس              الشعاير
يحسين  صرختي  وخلهم  يسمعوني...  للموت كربله شايلها بعيوني
******
اباوع  كربله  من زغري واتذكر ...اسم هيئة شبابك ياعلي الاصغر
جنت وي والدي للمجلس من احضر ...يعلمني شرفنه بخدمة المنبر
من           زغر          أراقب...          هيبة          المواكب
خدام   بذلوا   الغالي  ويعلّموني...  للموت  كربله  شايلها  بعيوني
******
أشبال  القاسم  اتذكرني  بالزفه  ...ووج  شمعه  زفافه  براحتي الترفه
ملايين  البشر  تستقبل  بلهفه  ...يجي  الزاير  ملك  و  نقبل ابجفه
تهتف               الضماير              ...ياهله              يازاير
ناديت  زوار  ابو  اليمه  يشرفوني  ...للموت  كربله  شايلها بعيوني
******
العبدلله   الرضيع   الهيئه   مبنيه   ...شباب  الخدمه  الزاير  فدائيه
يعالم   شوف  سر  الكربلائيه  ...طفلهم  عاشق  الخدمه  الحسينيه
ثامن             العجائب             ...خدمه             المواكب
إصرار   رايد   العالم   يشوفوني   ...للموت  كربله  شايلها  بعيوني
******
نردد  صوت  حمزة  ونسمع  المقتل...  قصيدة  قلي يالميمون تترتل
شعايرنه  رغم  كل  اليعادي  اتظل... تشابيه و لطم زنجيل والمشعل
عشرة         من        محرم        ...إلا        ينزف        الدم
تطبير  عابس  وجون  اليضمدوني  ...للموت  كربله شايلها بعيوني

تعليقات

لإرسال تعليق یجب أن تسجل في الموقع

مقاطع فيديو

more_horiz

مقالات المرتبطة

آخر الصوتيات المضافة

آخر المرئيات المضافة

  • 2.00x
  • 1.50x
  • 1.00x
  • 0.75x