القصيدة : يسجلني
الشاعر : سید عبدالخالق المحنه
الرادود : الحاج ملا باسم الکربلائي


أخذ روحي ونظر عيني
لبو السجاد وديني
يسجلني ..
عبير ترابه اشتمه
واريد بدفتر الخدمه
يسجلني ..
اجيت وقلبي ملهوف
اريد العالم يشوف
يسجلني ..
*****
روايات المشي كثره
المشى خطوه اخذ اجره
الف حجه الف عمره
زرعت الشوق بدروبي
اجيت اركض يامحبوبي
ازورك وامسح ذنوبي
مشيت ايام وليالي
لجل عيناك يالغالي
ولا غيرك شغل بالي .. يسجلني
اريد تشوف عدواني
ابوفاضل تلقاني
يسجلني ..
واجيت لحضرة الضامي
وابو النوماس جدامي
يسجلني ..
يمن ضحيت الجفوف
اريد العالم يشوف
يسجلني ..
******
قبل لا ينطق لساني
قضى الحاجات وانطاني
اسمعه يقول هذا آني
يقول اليوصل الحضره
عهد مني اجي القبره
اجاني شلون ما احضره
وحق اللي رفع سبعه
اذا لجلي تهل دمعه
اوجها بالقبر شمعه ..تقبلني
صحت يالماطفت نارك
ولو خادم لزوارك
تقبلني ..
يمن غيرك فلا اهوى
إلك هذا العمر فدوه
تقبلني ..
اجيت لكربلا زحوف
اريد العالم يشوف
يسجلني ..
******
لون بدربك اتقطع
وحق الزهره ما أرجع
عهد وبدمي يتوقع
انا المجنون عرفوني
أصيح وخل يسمعوني
ولا قدروا يمنعوني
ترف الرايه بالعالي
رغم تحذير عذالي
عرفني الموت ما ابالي ..عهد مني
احس براحه من امشي
عفت اهلي وعفت كل شي
عهد مني ..
حلم كل يوم اعيشنه
اموت بدربك اتمنه
عهد مني ..
نحر يتحدى السيوف
اريد العالم يشوف
يسجلني ..
******
نداء الزهره يتبعني
خيال اشعر يراقبني
هلا يالـ قاصد اعلى ابني
انا وياك مشايه
الك غايه إلي غايه
نروح الـ صاحب الرايه
لقائي بزينب الليله
تعاود هيه والعيله
يازاير والدمع سيله .. توصلني
مشيت واتبع البضعه
ياجدمي للطف بسرعه
توصلني ..
اريد الـ زينب اوصلها
رقيه وين اسألها
توصلني ..
جواب الحره معروف
اريد العالم يشوف
يسجلني ..
******
اجيت وكاتب وصيتي
اموت بدربك امنيتي
شهيد ويرتفع صيتي
وصيت الوالد افهمها
يقول الرايه تلزمها
وانا لإبني اسلمها
الى آخر نفس بيه
ازورك واشهد اعليه
اجب روحي الفدائيه .. يجملني
ركض ع الموت متعني
عدوك من يفجرني
يجملني ..
نذرت من المهد عمري
وين الـ يحز نحري
يجملني ..
اجيتك ذابح الخوف
اريد العالم يشوف
يسجلني ..

تعليقات

لإرسال تعليق یجب أن تسجل في الموقع

مقاطع فيديو

more_horiz

مقالات المرتبطة

آخر الصوتيات المضافة

آخر المرئيات المضافة

  • 2.00x
  • 1.50x
  • 1.00x
  • 0.75x