قصیدة : علامات الحزن
الشاعر : السيد عبد الخالق المحنة
الرادود : الحاج ملا باسم الكربلائی
علامات الحزن و عيون حـراس .. دمع طفلة و عتب و جروح واحساس
تصد الراس ابوها و تدمع العيــن .. يهتز الرمح من يزعل الـراس
على ظهور الهزل تصرخ يمظلــوم .. نزل دمع اليتيمة و خضر همـوم
مشت طول الطريق اتنوح و تصيح .. يا يوم و يعود إلراح يا يوم يا يـوم
إذا غاب الابو ما تغمض العيـن .. يعــــاشرها السهر و يسافر النوم
******

اذا حن القلب تتمنى الحسن .. و اذا شافت خطر صاحت يعباس يعباس
علامات الحزن و عيون حـراس .. دمع طفلة و عتب و جروح واحساس
تصد الراس ابوها و تدمع العيــن .. يهتز الرمح من يزعل الـراس
تنادي بعد ابويـــة العمر شيفيـد .. رقية إلشوفتـــك يالوالـد اتريد
الوذ بيا صدر من وحشة الليل .. يليل الآه ارحم خل يجي العيد
امد ايدي على راسك بلكت اتقول .. تعالــي يا رقية و تلزم الايد
******

تجيها شلون يالجسمك غدا اوصـــال .. رقــــية ما درت بالخيل ينداس
علامات الحزن و عيون حـراس .. دمع طفلة و عتب و جروح واحساس
تصد الراس ابوها و تدمع العيــن .. يهتز الرمح من يزعل الـراس
فزت من حلمها بصوت مجروح .. اريد حسين هسة قامت تنوح
زينب و الحرم كلهن اجنها .. لقنها من الالم جن طير مذبوح
تصيح هنا يبوية و زينب اتصـيح .. يبو الاكبر عليك اشتاقت الروح
******

نياحة وصوتهن بالليل مسموع .. عليهن بالخرابة التمت الناس
علامات الحزن و عيون حـراس .. دمع طفلة و عتب و جروح واحساس
تصد الراس ابوها و تدمع العيــن .. يهتز الرمح من يزعل الـراس
بطشت جابوا إلها و قربت يمه .. حزينة و شبگت الراس و تشمه
اخذني ويـاك مااصبر بلــياك .. انا بنتك رقية يا بـو الـيـمـة
علي السجاد صاح بصوت محزوم .. يعـمــة ماتت الطفلة يعـمة
******

اجت زينب عليها و شاـفت الحال .. لقتها على النحر مقطوعة الانفــاس

علامات الحزن و عيون حـراس .. دمع طفلة و عتب و جروح واحساس
تصد الراس ابوها و تدمع العيــن .. يهتز الرمح من يزعل الـراس

تعليقات

لإرسال تعليق یجب أن تسجل في الموقع

مقاطع فيديو

more_horiz

مقالات المرتبطة

آخر الصوتيات المضافة

آخر المرئيات المضافة

  • 2.00x
  • 1.50x
  • 1.00x
  • 0.75x