Tue20210727


ثار الله

باسم الكربلائي

ثار الله باسم الكربلائي
باسم الكربلائي
لطميات
إجعل هذا الفيدیو في موقعك
128 × 72
240 × 135
480 × 270
640 × 360
عرف
:طول
px
:عرض
px
ثار الله - باسم الكربلائي
تاريخ الاضافة
2012-03-01
المشاهدة
3468
المدة
00:07:56
عدد التحميلات
734

نص هذا المقطع

قصيدة : تــزورونــي اعاهدکم

للشاعر : الاديب السيد عبد الخالق المحّنه

الرادود : الحاج ملا باسم الکربلائی

 

تــزورونــي اعاهدکم تــعــرفـونــي شــفـيـع إلـكـم
أســامــيــكــم  ...أســجــلـهـا  أسـامـيـكـم
هــلا  بــيــكـم يـازواري هـلا بـيـكـم...تـزورونـي
******
وحـق  جـف الـكـفـيل وجوده والرايه ...انا وعباس وياكم يمشايه
يـامـن بـعـتـو النفوس وجيتو شرايه...علي واجب اوافيكم ياوفايه
تــواسـيـنـي شـعـايـركـم..تـرويـنـي مـدامـعـكـم
أواسيكم انا وجرحي أواسيكم...هلا بيكم يازواري هلا بيكم...تزوروني
******
هـلا  يـالـ  مانسيتو ع الوعد تحظر ... اجيت ولا يهمك لا برد لاحر
وحـق دمـع الـعقيله وطبرت الاكبر... احظرك مااعوفك ساعة المحشر
عـلـى الـمـوعـد اجـي يـمـكـم ... ولا ابـعـد واعوفنكم
محاميكم  وحق حيدر محاميكم... هلا بيكم يازواري هلا بيكم...تزوروني
******
يـاهـل شـايـل الـرايه وجاي قاصدني... تعرف رايتك بيمن تذكرني
بـالـقطعوجفوفه  وصاح لدركني ... صحت ويلاه ياخويه والظهر محني
كـسـر  ظـهـري  سـهـم هـجـره ... نـفذ صبري بعد عمره
اوصيكم  على الرايه اوصيكم... هلا بيكم يازواري هلا بيكم...تزوروني
******
يـامـن  قـاصـد والدمعه تجريها ... اعرف حاجتك مو داعي تحجيها
وحـق  نـحر الرضيع الحاجة اقضيها ... يازاير عاهدت كل عله اشفيها
اخـو زيـنـب فـرح بـيـكـم ... هـلا ومـرحـب يـناديكم
يـحـيكم  ابو الغيره يحيكم ... هلا بيكم يازواري هلا بيكم...تزوروني
******
زيـنـب  مـن تـشـاهـد تـزوروني... تناديكم لون بطف تحظروني
مـاامـشـي يـسـيـره ولا يسلبوني... ولا بسياطهم قدرو يضربوني
تـنـاديـنـي انـا بـحـيـره ... واصـد عـيـنـي لـبو الغيره
ابـجيكم على مصابه ابجيكم... هلا بيكم يازواري هلا بيكم...تزوروني
******
أنـا وراعـي الـعلم وياكم إنشاهد ... أنا أستقبل جمعكم واحد الواحد
تـنـامـون و أراقبكم و أظل قاعد ... إخو زينب يساعدكم بلا ساعد
لـكـل خـطـوه مـشـيـتـوهـا ... لـكـل نـخـوه نخيتوها
أخليكم  وسط  عيني أخليكم... هلا بيكم يازواري هلا بيكم...تزوروني
******
إذا  لـبـيـك  صـحـتوا آنه أسمعكم ... هله يا المحبة حسين تجمعكم
تـطـيب اجروحي من تنزل مدامعكم ... يزواري أنا استقبل و اودعكم
سـلامـتـنـه سـلامـتـكـم ... مـصـيـبـتـنـه مصيبتكم

المرسل: الأحد, 20 حزيران/يونيو 2021