يا حسين ما تنشف بعد دمعتي

قصيدة : ياحسين ما تنشف بعد دمعتي
الشآعر : السيد سعيد الصافي الرميثي

 الرادود : الحاج ملا باسم الكربلائي

ياحسين ما تنشف بعد دمعتي .... سهم الي صابك صابني بـجبدتي
******
ياحسين مو بيدي الكلب ما يعي .... مغصوب طول الدهر يبكة الحزن
ون الحمام عليك خوية لون .... وعكبك لذوب الصخر من حسرتي
بوسط عيوني طبعت صورتك .... يانفس روحي وطيبت نسمتك
فوكـ الدليل مطرزة محبتك .... وتريد مني انساك ياسلوتي
******
ياحسين ما تنشف بعد دمعتي .... سهم الي صابك صابني بـجبدتي
******
ياحسين شلي بعمري عكبك بعد .... نوحي فلا بطلة على فكدك ابد
يابن امي انت الوالي وانت الضمد .... وانت الضوة لو خيمت وحشتي
لنصب مناحة عليك طول الوكت .... وعلى وجن كت المطر دمعي يكت
طاح الكلب على الغبرة يوم الطحت .... يلخذت روحي جا شلي بدنيتي
******
ياحسين ما تنشف بعد دمعتي .... سهم الي صابك صابني بـجبدتي
******
سهم المثلث تدري بيه شعمل .... كطع حشاي وضاع مني الامل
لو ينشرة ياخوية لشري الاجل .... ولا شوفك بهل الحال يا ضنوتي
بعيوني شفت الشمر حز ركبتك .... وخضب ياخوية بالدمة شيبتك
عطشان ما طفو لهب مهجتك .... ياريت كبلك تنكطع ركبتي
******
ياحسين ما تنشف بعد دمعتي .... سهم الي صابك صابني بـجبدتي
******
بس جسم عنك خوية لمن رحت .... لو بيدي يمك يا الولي توسدت
ناحت الناكة وياي لمن نـحت .... وكامت تساعدني على محنتي
شوف شلعب ياخوية بية الزمن .... الله لمن حدة حادي الضعن
وانا يسيرة بلا ولي ولا وطن .... جا وين خدري وجافلي وعزتي
******
ياحسين ما تنشف بعد دمعتي .... سهم الي صابك صابني بـجبدتي
******
طبيت للكوفة وذكرت الخدر .... من شفت بيت الابو وذاك الستر
زينب انا ويبرة لضعوني زجر .... واشكف السوط بسرتي ويمنتي