قصيدة : هذا الغريب منين
الشاعر : السيد سعيد الصافي الرميثي

الرادود : الحاج ملا بلاسم الكربلائی 


هذا الغريب منين .. وين أهله راحوا وين
مات بسجن مظلوم .. و بيا ذنب مسموم
******
عادة الميت يا شيعة لمن يسكن ونينه ..
تحضر أولاده و أخوته عن يساره و عن يمينه ..
هذا الي يوسده و يجبله و ذاك اليغمض له عينه ..
احنا ما شاهدنا ميت بالحديد امـﮕـيدينه ..
من شدة التـﮕـييد .. ينزف دما من الـﮕـيد
باقي الأثر لليوم .. و بيا ذنب مسموم
هذا الغريب منين .. وين أهله راحوا وين
مات بسجن مظلوم .. و بيا ذنب مسموم
******
موسى بن جعفر تميز كاظم الغيض بصفاته ..
و لا سجون الطاغي ساعة بدلت سيرة حياته ..
دمعته و لهجة دعائه و بـﮕـللب خاشع صلاته ..
للفرج يحسب ليالي و بالفرج يدري مماته ..
طامورة الأشرار .. ظلمتها ليل نهار
من الشمس محروم .. و بيا ذنب مسموم
هذا الغريب منين .. وين أهله راحوا وين
مات بسجن مظلوم .. و بيا ذنب مسموم
******
مرت أعوام على سجنه و للفرج معقوده ظنه ..
شيعته المنتظره تنشد ياهو اليخبرها عنه ..
ساعة السمعت إجاها طارش يبشرها منه ..
الموعد الجمعة يـﮕـلها بشوفة الوالي نتهنه ..
يا شيعة و الميعاد .. ﮔـلهم جسر بغداد
نستقبل المظلوم .. و بيا ذنب مسموم
هذا الغريب منين .. وين أهله راحوا وين
مات بسجن مظلوم .. و بيا ذنب مسموم
******
طلعت الشيعه تشوفه موسى بن جعفر أملها ..
من بعد غيبه طويله بالسلامة يرجع لها ..
و عاين و لاحت جنازة أربعه تولوا حملها ..
سمعوا بناعي المنية ينعى و دموعه يهلها ..
صاحوا يَناعي شصار .. و شعندك من أخبار
تنعي بحزن و تحوم .. و بيا ذنب مسموم
هذا الغريب منين .. وين أهله راحوا وين
مات بسجن مظلوم .. و بيا ذنب مسموم
******
عالجسر نادى المنادي هذا إمام الرافضيه ..
الطيب ابن الطيب أصله من صلب حامي الحميه ..
من رحم بضعة محمد فاطمة الزهراء الزﭼـيه ..
ﭼـانت أطباعه السماحه و الحلم عنده سجيه ..
ليش بسجن هارون .. ﮔـضى العمر مسجون
بلوعه و ﭼـبد مألوم .. و بيا ذنب مسموم
هذا الغريب منين .. وين أهله راحوا وين
مات بسجن مظلوم .. و بيا ذنب مسموم
******
ساعة الشخص طبيبه سم غدر و بـﭼـبده صابه ..
يا خلـﮓ أردن أناشد اخوه ما عنده و ﮔـرابه ..
يَلي تسأل هذا أهله بالمدينة للنجابه ..
خيرة الله على البريه نزل عليهم كتابه ..
من أطهر الأصلاب .. من أشرف الأنساب
تقوى و فخر و علوم .. و بيا ذنب مسموم
هذا الغريب منين .. وين أهله راحوا وين
مات بسجن مظلوم .. و بيا ذنب مسموم
******
ياللي تسأل شنهي ذنبه الكاظم بسجن الخليفه ..
البايعوا جده الصميده بيعه سودا مو نظيفه ..
للظلم وضعوا أساسه من عهد يوم السقيفه ..
فاطمة كسروا ضلعها و بضعة الهادي الشريفه ..

تعليقات

لإرسال تعليق یجب أن تسجل في الموقع

مقاطع فيديو

more_horiz

مقالات المرتبطة

آخر الصوتيات المضافة

آخر المرئيات المضافة

  • 2.00x
  • 1.50x
  • 1.00x
  • 0.75x