لطمية يا قساوة حياتك مكتوبة

 

الرادود باسم الكربلائي

 

 

يا قساوة حياتك .. يالشمعتك صلاتك
صعبة تنحبس .. وانت ضي شمس
 
حياتك
احاول اختصر رحلة عذاباتك
واتيهن وانذهل بأول محطاتك
زمانك ما گدر يحمل جراحاتك
شسولف يا شعر يكتب معناتك
يالقضيتك روايه .. خاتمتها البدايه
بيها كم درس .. وانت ضي شمس
حياتك
 
يا قساوة حياتك .. يالشمعتك صلاتك
صعبة تنحبس .. وانت ضي شمس
حياتك
 
تكتبك حاولت روحي بقصايدها
تجيلك توصل وما ادري شيردها
تريدك مفرده المحد يقلدها
اذا اقراها دعبل نفسه يحسدها
لو حجيتك قصيدة .. قافيتها جديدة
تنقري بهمس .. وانت ضي شمس
حياتك
يا قساوة حياتك .. يالشمعتك صلاتك
صعبة تنحبس .. وانت ضي شمس
حياتك
بزمانك بالكرم اول على الوادم
جفوفك وحده تنطي وثانيه تسالم
واليوم الله هذا شما قسى الحاكم
نجيلك نشتكيلك حلها يالكاظم
من تمادوا علينه .. يم ضريحك اجينه
والجرح شرس .. وانت ضي شمس
حياتك
 
يا قساوة حياتك .. يالشمعتك صلاتك
صعبة تنحبس .. وانت ضي شمس
حياتك
 
يوصفك بالشعر يا شاعر بقلمه
ما تخفي الگمر طامورة الظلمة
اكتبك بالسجن لو بالسجن همه
هارون وجيوشه وحاشية حكمه
يالنشوفك حقيقة .. بالعبارة الدقيقة
للوصف اسس .. وانت ضي شمس
حياتك
 
يا قساوة حياتك .. يالشمعتك صلاتك
صعبة تنحبس .. وانت ضي شمس
حياتك
 
لگيتك بالصبر تاج اعله هامتهم
يالقائد جنت حتى على قائدهم
اشرفهم قريته واقره فاسدهم
ذره من الخصال البيك ما عدهم
من هايبة جمالك .. من نزاهة خصالك
ما أجو خمس .. وانت ضي شمس
حياتك
 
يا قساوة حياتك .. يالشمعتك صلاتك
صعبة تنحبس .. وانت ضي شمس
حياتك
 
ارسمه اعله الجسر نعشك والوليله
واحضنه بروحي لو تعبوا حماميله
ينعشك مفترض جف السمه يشيله
الگمر ساعة مماته نجومه تبجيله
هاي دجلة تشوفه .. مايك انت وجروفه
بعطره تنترس .. وانت ضي شمس
حياتك
 
يا قساوة حياتك .. يالشمعتك صلاتك
صعبة تنحبس .. وانت ضي شمس
حياتك
 
اذكرك بالصدر يعجز عجز بيتي
اكتبك بالعجز تخذلني قافيتي
نخيتك بالقصيدة تحقق امنيتي
عافيتي الزياره ارزقني عافيتي
ما اجيتك كشاعر .. لا ولكن كزاير
عطفك التمس .. وانت ضي شمس
حياتك
 
يا قساوة حياتك .. يالشمعتك صلاتك
صعبة تنحبس .. وانت ضي شمس
حياتك

تعليقات

لإرسال تعليق یجب أن تسجل في الموقع

لطميات

more_horiz

مقالات المرتبطة

آخر الصوتيات المضافة

آخر المرئيات المضافة

  • 2.00x
  • 1.50x
  • 1.00x
  • 0.75x