لطمية يا بوابة ساعات آلامي مكتوبة

 

الرادود باسم الكربلائي

 

 

يا بوّابةْ ساعات آلامي
حانت آخر ساعات ايَّامي
يمّچ أدري يِخْلَص عُمري
طلعْت امْن المدينه ارْدود او رِجَعْت ابذكرياتي السُّود
بلا والي
لهسَّه امتوني توجعني الدّهر للشام رجّعني
غصب تالي
على بوّابة السَّاعات وگفْت او وگْفَت اللّحظات
او سِرَح بالي
تحاچيني و أحاچيها تبچّيني و أبچّيها
عله حالي
اتْذكريني لولا مَـتْذكَريني
اعْليچ آنه الصِلبْوا راس احْسيني
لوما صبري يخلص عُمري
إجيت او موتتي حانت او گبل هالجيَّه هم چانت
إلي جيَّه
شريط ايّامي يتكرر و أسِدّ اعيوني و اتصوَّر
اشجره اعليَّه
هذيچ أنساها لو ذنّي او صوت الشامت ابإذني
يمسبيَّه
اعْله إيد الحُرَّه كون اِسْواَر وأنَا ليش الحبل يندار
اعله إيديّه
ايْزيد ابكترچ يستر نسوانه
و آنه ايوگّفني ابنص ديوانه
ابضيعة سِتري يخلص عُمري
عشت شِدَّه ابأثر شِدَّه لچَن يمّچ أشَد وحده
أشَد وگفه
ابسلاسل و ابحبِل أنگاد اگبالي امچتّف السجَّاد
و أنا ابْخَلفه
طبل هذا يدگ فرحان او هَذاك امْن الطرَب نشوان
يدگ دفَّه
ابمكان البي رموني اِحْجار أموت او ليْه أصيرن جَار
ألِف وسفه
ما حسّبت ابآخر مأساتي
يصبح گبري ابديرة شمَّاتي
ريت ابزغري يِخْلَص عُمري
يبوابة دمِع عيني امْن اشوفنّچ تِذَكْريني
ابّواچينه
عليچ اتعلِّگت أعلام ابشماته اْو زِينة أهْل الشام
تلاگِينه
ثلَث ساعات أنا ابكترِچ وأريد أنِشد شنو عذرچ
خذلتينه
سهم عين الزِلم جارِح او علينه الجايْ والرايِح
تصِد عينه
ما حن گلبچ لمّن شفتينه
امْسلبينه او نتستّر بيدينه
بدمعي اليجري يخلص عمري
عبَرْت او لاحت امن ابعيد دواوين او قُصور ايْزيد
اذكَرِت بيها
دخلنه اْو گام ينشدنه بسِم كل وحده من عِدنه
يناديها
رفع راس الأخو اِبْيَدَّه يدوْر اسكينه كل گصده
يراويها
يبرّد غيظه و اتشافه ابعصاته يضرب اشفافه
يدمّيها
كون آنه ابذاك الموقف ميْته
او لا شوف الطاغي ايورّم شفته
ابحيرة أمري يخلص عمري
نظَر عبدالله بِنْ جعفر علامات الأجل تظهَر
عله ارْسومي
ألوج و ترجف ايديّه عـرَف هاج الحزن بيَّه
اْو گرَب يومي
عگارب ساعِتج تلسع و أحس روحي بدَت تطلع
من اهمومي
الغُرب يمّچ يدفوني غريبه وما يحظروني
هلَي و گومي
ما أدري ابّبابچ أكبر همّي
لو باب البي كسروْا ضلْع امّي
ابحيرة فكري يخلص عمري
من اوّلها لتاليها حياتي و عِيشتي اشبيها
سِوَه اجْروحي
أغمْض اعيوني عالمدمَع أنوح او من أنوح اسمَع
صدى نوحي
أصيح ابآخر أنفاسي يولياني يعبّاسي
يمذبوحي
أقاسي الصعبه عالصعبه غريبه ابديرة الغُربه
اخْلصت روحي
لازم گبري يمْ گبْر اِخواني
بين احْسين او عبّاس امچاني
يَمْ فَيْ خدري يخلص عمري

تعليقات

لإرسال تعليق یجب أن تسجل في الموقع

لطميات

more_horiz

مقالات المرتبطة

آخر الصوتيات المضافة

آخر المرئيات المضافة

  • 2.00x
  • 1.50x
  • 1.00x
  • 0.75x