لطمية اندعي امن الله ابقنوتي مكتوبة
الرادود باسم الكربلائي
اندعي اِمْن الله ابقنوتي
يا سَميع لخافي صوتي
حاجتي امْن الدنيه وحده :
عجِّل اللّهم موتي
سبحان الذي فوگ الأرض منْ نِصَبْ
بيْمينه السمه ابْـلا تَـعَـبِ و لا نَصَبْ
خلَّصْت السَّحَـر و آنا اندعي للغريب
و اللّيله رِدِت أدعي لِـنَـفْسي يَـرَبْ
آنه فاطمه و إنته اللّي عزَّ وَجَلْ
متخيِّب أبد كلمن دَعاك ابـْ وَجل
و ابعُمر الورِد لاچن سِـئَـمْـتِ الحَياةْ
و اترقّـب صرِت يمته يجيني الأجل
گلبي مَـلْ من نايباتي
و انتظر تخلص حياتي
صبري يا ربْ هذا حدَّه
عجِّل اللهم موتي
طيِّحت الحَمِل من عَصرة أهل الغدُر
و اليعصُر سِمه لازم يَطَـيْـحِ البدُر !
ابْـعَـتـبَة منزلي حرگوا حديث الكساءْ
و أسرار العرش تتنازَف امْن الصدُر
ربّي ابيا ذنِب منّي الضلع ينهشِم
و الضربوْا مَره اِگبال الزِلِم مو زِلم
إسمع طِلبِتي و انته السميع الـمُجيب
ابموتي راحتي و ابحالي عندك علِم
ابلا ذنب كسرولي ضلعي
حگي لو بالموت أدعي
يا مُجيب لصـوت عَبده
عجِّل اللهم موتي
بفراگ النبي انْعيش اْو نشوف العجَب
داسَوْا عَتْبِته اْو جمعوْا عليها الحطب
ما حفظوا عهَد للهادي يوم اللّي غاب
و أصحابه العرَب ما عِـدها غيرَة عَرَب
وحدك سيِّدي تدري عليَّه اشجرَه
بعْيوني صفَت دنْياي چنْ مگبره
صرْت ابْمشيتي ألزَم بِديَّه الثنين
وحده عالضلِع وحده عله الخاصره
امن الصدر يتجاره دمّي
ابكل نفَس يوجعني عظمي
أقسم ابدمِّي التبدَّه
عجِّل اللهم موتي
طگَّت مُهجتي چم دوب اكابر بعَد
اْو طعْن البالظهَر ماله دوَه اْو لا ضُمَد
للمسجدِ شفت ليث او تگوده الذئاب
صبْر المرتضى من كسري أكلف و اشَد
ما عندي گلب من أنظر لْـحيدره
اْو صبْر الله غِده ايْريد الذي ايصبُّره
ابيا حاله و أصِد حيدَر اِبْداره جليس
و الكسَّر صنَم ردِّ الصنَّم يكْسِـرَه
اشلون اشوفن حامي جاره
يبچي و ابچفّه فِقاره
ابْحوبَة الدمعه اعْله خدَّه
عجِّل اللهم موتي
گطعوْا شجْرتي اْو گطعوْا عليَّه البچي
و ابْسِجْـن الصدر مچتوفه إيد الحچي
من كسري صرِت أغفه اعْله جنبي اليمين
اْو لو أمشي عَلىٰ چتْف الحسن أنتچي
بسمار الضلِع حارمني جرِّ الهوَه
اْو سطره البالجفِن طفَّت اِبْعيني الضوَه
شلّي ابدنْيِتي اْو عمري عذاب اِبْعذابْ
الدنيا عِلَّتي اْو موتي يربِّي الدُوَه
يا عليم ابسِر عذابي
أقسم اعليك ابحجابي
ابحيدر الچتفوله زنده
عجِّل اللهم موتي
من كثْر الضعُف مَحْنِيَّه حَنْيَة غصِن
و ابْعِـشِّ الحِزِن گلبي حمامه اْو تِحن
طبْع المنهظم ما يغفه ليله اْو ينام
و ابطول السَّهَر ذاب الجفِن عالجفِن
ابْـمِخلب حسرتي أشعر دليلي انْخمَش
حد ما فصَّلِت طولي اعْله طول النَّعَـش
ظهري منحني و اچفوفي ترعِش يحيف
تالي شيَّبِت بِسنينيِ لِـثمنْـطَـعـش
ما أريد ايْطول عُمري
خل علي يحفرلي گبري
شدِّتي يا ربّي شِدَّه
عجِّل اللهم موتي
بمْصَلّايتي دمعي اعلْه خدَي ايْهلي
و انته اللي گلِت قدْمُو وسيله إلي
ما تقبل دَعه يا ربِّي إلّا ابْـشفيع
و آنه اسْـتَـشْـفعِـت ليك ابمدامع علي
اعْليك ابهامته بالسّجده من تنشطر
و ابجاه الحسَن و ابچبده من ينغدُر
بحسين الذي تسحَگ عليه الخيُولْ
و اخته ابلا ولي تگطع درب لليسر
قدَّمِت يمَّك وسيله
دمعة اِعيون العقيله
بالحُسين اْو عطَش چبده
عجِّل اللهم موتي
play_arrow
play_arrow
play_arrow
play_arrow
play_arrow
play_arrow
تعليقات