لطمية الوعد حان يَسلمان مكتوبة
الرادود باسم الكربلائي
الوعد حان .. يَسلمان
أبو ذر ناده وابنظراته لهفه
خل اِنعين .. أبو حسين
علي هالليله مو ذاكه النِعرفه
اعيونه مشغوله اْو تِهِل دمعها
منكسر عاللي اِنكسر ضلعها
يسلمان .. يسلمان
مُصيبه .. ثجيله
لِـربها رجعت النفس الحزينه
حبيبـة .. محمد
گضت والوحشه عَمّت بالمدينه
ابفگدها .. تِجمّع
أمير المؤمنين اْو مؤمنينه
فجعهم .. دُعاءَه
يون اِلها اْو يونّون اِلونينه
علي طاح .. دعه اْو صاح
إلاهي ابلطفك اجبُرلي انكساري
اْو حَچي دار .. بالاعبار
مَبين الفارسي ويّه الغفاري
شافوا الزهره انكسر درعها
منكسر عاللي اِنكسر ضلعها
يسلمان .. يسلمان
الوديعه .. دَفِنها
اِنعِلَن عنّه الخبر گالوا تِأخّر
أهالي .. المدينه
يظنون الدفِن باچر تِقرّر
وابوذر .. كلامه
تِوَجَّه للخَواص اَشياع حيدر
نِنفّذ .. وصيه
الدفِن هالليله بس احنه اللي نحضر
علي اليوم .. بالِهموم
حِچالي اْو عَبرته اِمأَثْـره اعله حَچيَه
ابجنِح ليل .. نجي انشيل
نعش بنت النبي اْو ندفنها خِفيَه
هالوصيه اِمن الطُهر سمعها
منكسر عاللي اِنكسر ضلعها
يسلمان .. يسلمان
أبوذر .. ينادي
اعله سلمان اْو مدامعهم غزيره
إمامَك .. إسِندَه
إجه اِمن المُغتسَل يصعب مسيره
اشجراله .. اْو تِسنّد
على الحايط اْو آهاته چبيره
نِسمعه .. يردّد
لِمَست اضلوع متهشمه اْو كسيره
وِالِجواب .. ورا الباب
صدر بنت النبي اِنصابت ضلوعه
علي اينوح .. بلا روح
يموت اْو يحيا كل ساعه ابدموعه
وابسبب ذاكه الذي دِفعها
منكسر عاللي اِنكسر ضلعها
يسلمان .. يسلمان
نِشيِّع .. نعشها
نِعين المرتضى لمّن يشيله
اعله بضعة .. محمد
نشوفه اِمن البچي مهدود حيله
علي الما .. هَزايز
تِهِزّه اْو تِثني ذرعانه الثجيله
رِجَف مِن .. حِمَلها
واهو الگال اَصبحَت فاطم نحيله
اعله هالحال .. البعض گال
صدگ هذا الشطر بيمينه مرحب
ألِف حيف .. أبو السيف
نحيب الثاكله هالليله ينحب
وسفه مَن هز خيبره اْو قِلَعها
منكسر عاللي اِنكسر ضلعها
يسلمان .. يسلمان
يَصاحِب .. محمد
يَمن چان النبي اِلشخصَك يشاوِر
الخنادِق .. فِكِرتَك
وكِت ما حَشِّدَت ذيچ العساكر
البعض مِن .. إبِن وِد
القُلوب ابخوف بِلغَت للحناجر
اْو علي الگص .. رِگُبته
اشعجب ظلّت تِگُص گلبه المقابر
البُرَز ليه .. اشجره اعليه
خنادِق حُفرت ابروحه المآسي
رُفع صوت .. أيا موت
دعجّل طبرة السيف اعله راسي
روحه مضطربه اْو صعُب وضعها
منكسر عاللي اِنكسر ضلعها
يسلمان .. يسلمان
تِهَيّأ .. تِحَضّر
خل انواسي الإمام ابهالفجيعه
إمامَك .. تِغَرّب
يسلمان اْو قليل ابصفّه شيعه
دروعه .. سيوفه
نِصير اْو كل شي يأمرنه نطيعه
اْو گبل ما .. يأَشِّر
نِهِب لو راد يثأر للوديعه
أنا اِوياك .. على اِعداك
اِويه مقداد ابن الاسود نعتنيهم
اِويه عمار .. العدَد صار
كواسر أربعه اْو نِنقَض عليهم
نِفدي مَن چفّه النبي رُفعها
منكسر عاللي اِنكسر ضلعها
يسلمان .. يسلمان
وصية .. محمد
لَوَن ما چانت اتمِنعه اْو تِعيقه
فِقاره .. ابيمينه
الضلع يا نايبه تِندَل طَريقه
العدو ما .. تجرّأ
لَوَن ما يعلم ابهاي الحقيقه
ابصدر لو .. نِواها
يِخِنگه المرتضى اْو يگطع شهيقه
وَلا صار .. على الدار
يسلمان الذي ياوسفه صاير
وَلا چان .. بالِاحزان
علي يتگيَّد اْو يكسر خواطِر
والمشاعر تندبه ابجزعها
منكسر عاللي اِنكسر ضلعها
يسلمان .. يسلمان
play_arrow
play_arrow
play_arrow
play_arrow
play_arrow
play_arrow
تعليقات