لطمية يالمنتظر وين الأثر مكتوبة

 

الرادود باسم الكربلائي

 


يالمُنتظَر وين الأثَر دَلّينه
 
طال الأمل دَمنه إشتعل طَفّينه
ماضل صبُر وين الگبر
دَلّينه
يالمهدي بشوگ فاطِم روح ذابت دَلّيها
مشتاگه العين تنظر نور جَدّك مَهديها
عطشانه الروح رادت ماي كوثر ترويها
نيران الشوگ شِعلت نار بالدم طَفّيها
فاطٍم عِشِگ مايفتِرِگ بإحْساسنه
هيّه الضوه وعطر الهوى إبأنفاسنه
كافي الهجر وين الگبُر
دَلّينه
دَلّينه إنريد نِندَل وين طَفَّو شَمعتنه
وين القرآن طاح إوين ذبلت زهرتنه
باب الزهراء تِعُرف باب كعبة قِبلتنه
يالمهدي نريد نِفهَم ليش حِرگو كعبتنه
كسر الظلع نار الدمع وأسبابها
وإسم الشَعَل نار الجَهَل يَم بابها
هذا الغَدُر وين الگبُر
دَلّينه
يا أهل البيت أُمكُم وين صارت دَلّونه
يالمهدي إبروح فاطِم وين فاطِم مدفونه
وين الكرار يبچي إوين يسهر يلگونه
يبچي وبتراب فاطم چان يمسح بعيونه
صَبراً عَلي صوت العَلي يوحيله
يبچي إبدِمه يَم فاطِمه إوتبچيله
نال الأجُر وين الگَبُر
دَلّينه
دمعات عيون زينب وين نزلت مهدوره
يَم ياتِربان سالت وين طاحت مكسوره
من أمّك ليش گاعك ليش ضَلّت مهجوره
إوگبْر الزهراء گِلّي شلون تقبل مَنْزوره
عدنه الگَلُب لو حَب صَعُب ينساكُم
حُبُ علَن سِلمُ لمن والاكُم
ماننتُظُر وين الگَبُر
دَلّينه
وين النورين نامو وين شعلو شَمعتهم
وين إيطوفون چانو وين حَجَّو كَعبتهم
يالمهدي شلون مَيته شلون مَيتَه وحظنتهم
لَمّن يبچون گِلّي شلون تسمع صرختهم
تحمِل ألم ضربَة سهم كل دمعه
وِلّي إندِفن وِإبنُص چِفَن شِيْرَجعه
راح العُمُر وين الگَبُر
دَلّينه
هالغيبه هواي طالت بيك طالت مُدّتها
والزهره نريد نبني وياك نرفَع گُبّتها
نتمنه إنزور وإنته إتزور بينه إزيارتها
وأتباع أعداء أمّك بيك نهدم دولتها
يبن الحسن نار الفِتن مشعوله
وإيد الظُرَب واللَم حَطَب مشلوله
يوم الحشُر وين الگَبُر
دَلّينه
نبنيها ونور وجهك نور وإيشِع دنيانه
إوحُكم القران يرجع بيك للرب قُرآنه
يالحجّه إنشوف طولك كون حاضر ويانه
لتراب أقدام رِجلَك بيك نخدِم تِلگانه
إحنه الخَدَم حَتّه الخَدَم خِدّامَك
قوس إوسَهَم وَأوّل سَهَم بِسهامك
ضِد الكُفُر وين الگبُر
دَلّينه
للشيعه بيوم مِنّك صوت صَرخه إيسمعوهه
گَبر الزهراء هذا وهاي فاطِم زوروهه
وإبدمع العين وإنته إتشوف عينك يبنوهه
وإزيارة يوم عاشر يوم عاشر يمشوهه
دار الزَمن لُم الحسن عنّايه
من النبي البنت النبي مشّايه
جاءَ الأمُر وين الگبُر
دَلّينه

تعليقات

لإرسال تعليق یجب أن تسجل في الموقع

لطميات

more_horiz

مقالات المرتبطة

آخر الصوتيات المضافة

آخر المرئيات المضافة

  • 2.00x
  • 1.50x
  • 1.00x
  • 0.75x