لطمية شمعة ضواي مكتوبة

 

الرادود باسم الكربلائي

 

 

شمعة ضواي من انطفت
اجمل سنين عمري اختفت
يادنيا كولي بيا ذنب تردين اذيتي
گليلي من عندي شبده وظل وحشه بيتي
يوم الي گالت فاطمه اسمع وصيتي
ويه منيتها ردت ساعة منيتي
دنيا العذاب مني اشتفت
اجمل سنين عمري اختفت
بيت السعاده الماجنت اكدر اعوفه
وادري بملائكة السما تنزل ضيوفه
ادخل واصل اعالنبي واسعي واطوفه
وبيا نظر وبياصبر مظلم اشوفه
بس للعويل روحي صفت
اجمل سنين عمري اختفت
الله يساعد كلمن يفارگ حبيبه
من دنيته بس الدمع يصبح نصيبه
وانه اليمجروح بجرح حير طبيبه
گلبي اعله فگد ام الحسن يسعر لهيبه
ومن دم دموع عيني جرت
اجمل سنين عمري اختفت
تتراجف اعظام الوديعه من احملتها
وبليل الاظلم عفيه صبري وشيعتها
مكسور خاطرها وظلعها رجعتها
وشلون رديت وحياتي ودعتها
وجدام ليش تعثر غدت
اجمل سنين عمري اختفت
انه الصميده المحد اجاسر دنالي
ولا خوف البطول العمر مر اعله بالي
ارجف مثل سعفه اصبحت مدري شجرالي
والحسن وحسين اليحنون اعله حالي
ويه البتول روحي مشت
اجمل سنين عمري اختفت
للبيت اجيت اجدامي يتعثر مشيها
وزينب عله امها من بعيد اسمع بچيها
وين أدفنتها بيا كتر تنشد عليها
يابويه دخلك ياعلي وديني ليها
راح الحنان من غربت
اجمل سنين عمري اختفت
بنته اليتيمه بحسرته يعظم أجرها
ويمسح مدامعها ويوصيها بصبرها
وصتني امج فاطمه أكتم خبرها
والمهدي هو وشيعته يگصد گبرها
ويمها يصيح امي نولت
واجمل سنين عمري اختفت

تعليقات

لإرسال تعليق یجب أن تسجل في الموقع

لطميات

more_horiz

مقالات المرتبطة

آخر الصوتيات المضافة

آخر المرئيات المضافة

  • 2.00x
  • 1.50x
  • 1.00x
  • 0.75x