لطمية محبوبة العالي مكتوبة

 

الرادود باسم الكربلائي

 

 

محبوبة العالي .. نزلها للغالي
أم السماء الصافيه الخلابه
تفتح رمشها الله يفتح بابه
نزلها للغالي
نزلت عله الصحره مثل نزلت ماي
نزلت ضماير والشياطين إهواي
نزلت ضوه والظلمه جانت شراي
لاكن قليله التفهم أو تشكر هاي
وبلايه زهراء الهراء إبدنياي
جنك تشيل امن الإسم حرف الزاي
دره سماويه .. لبوه غديريه
حيدرها ليث أوهيه لبوة غابه
تفتح رمشها الله يفتح بابه
نزلها للغالي
ليلة قدر والما بلغها خسران
لولاها كلشي لايكون او لا كان
والهل سبب هذا إنتقم منها افلان
آمن جذب صله أو كفر بالآذان
ميكول أعوذو لو قره بالقرآن
معقوله يعني إبليس يلعن شيطان
حجبها باريها .. لاتكرب إعليها
رحمه إجتكم ونتو صرتو إذيابه
تفتح رمشها الله يفتح بابه
نزلها للغالي
طيره نزلتي أورحتي مكسوره إجناح
حقه علي إخلافج يطك راح إبراح
يازخرفة عرش الإله أو مصباح
واجب أرضنه إتطيح من دمعج طاح
واجب تموت الناس من طولج راح
كلشي إنقفل لو ما وجودج مفتاح
مهمومه مهظومه .. مغصوبه مظلومه
والمثلج الوادم تبوس إترابه
تفتح رمشها ألله بفتح بابه
نزلها للغالي
مغقوله ياجف الخشب شايل نار
تدري الوحي يتوسل ابهاي الدار
طبع الخناجر ماتحب البتار
او طبع اليفر يكره يشوف الكرار
فاطم سفينه ونت طبعك بسمار
ثارك أخذته بس بقه يمك ثار
يالما شلت عينك .. تسطرها بيمينك
اسم البتول الأنبياء إتهابه
تفتح رمشها الله يفتح بابه
نزلها للغالي
بعض البشر من تحقد إتسد العين
يمه الحقيقه الواضحه أو يسأل وين
مية وجه مقبوله لو بس وجهين
الله يعينك سيدي يابو احسين
زينك يعرفونه أو يجازونه إبشين
تنظر كسرها ونت تبجي ابكسرين
أم السمه أو نوره .. شايلها مكسوره
بلغ محمد هذا فعل أصحابه
تفتح رمشها الله يفتح بابه
نزلها للغالي
كاسر سفينة نوح شتكول النوح
أو دمع التماسيح إعله خدك مسفوح
كلمة الآسف ماتضمد مجروح
أو عذر الخناجر مايرجع مذبوح
تكدر ترد الروح يالماخذ روح
والتفكد الغالي أويه غاليها إتروح
لو كلبك إعليها .. رد الها غاليها
والما رعه الزهره يطول إحسابه
تفتح رمشها الله يفتح بابه
نزلها للغالي
يوم الحشر لمن تطير الأذهان
تأتي البتول أو هيه أم الميزان
تركب الناكه والرحل من مرجان
تنقذ الشيعه امن الخطر والنيران
يافرحتي أم الجمل من تنهان
تمشي الجهنم هيه وابن الأوثان
مايخفه مأواها .. والزمره وياها
أو بنت الحبيب المايعوف أحبابه
تفتح رمشها الله يفتح بابه

تعليقات

لإرسال تعليق یجب أن تسجل في الموقع

لطميات

more_horiz

مقالات المرتبطة

آخر الصوتيات المضافة

آخر المرئيات المضافة

  • 2.00x
  • 1.50x
  • 1.00x
  • 0.75x