لطمية خندق خيبر مكتوبة
الرادود باسم الكربلائي
خندق خيبر بيهم آثاري
إنه هاوي الكر رايد كراري
لحظات مو اكثر ارضيك يا حيدر
إنه هاوي الكر
يانوح الحرب سيفك جنت بيدك سفينه
تسمع ضربتي الكوفه وإنه برض المدينه
ما يلزمني غير الله وصرت انت يمينه
الكدامي وكف ما يلحك ايفك حتى عينه
البرز لكه علي بيده كتيبه
اختفى رجع شرد لازم اجيبه
منو خل ينزل ما يرجع سالم
وإنه ما امهل سيف وهم خادم
ما يوم اتاخر ارضيك يا حيدر
إنه هاوي الكر
عافو ربهم وصارو يعبدون الدراهم
ما چانو زلم صارو زلم هسه على فاطم
طاروا من جبل اُحد يريدون الغنائم
وآنه اوياك اطيّر ياعلي اضلوع وجماجم
علي علي مدد سبع المخاطر
انقتل نبي اذا مو انته حاضر
علي بس وحدك تعرف ترضيني
وتره من عندك نظره اتكفيني
بس كول وامحضر ارضيك ياحيدر
إنه هاوي الكر
تذكر ابن ود لمن صرعناه وعبرته
هسه ياعلي نفس الاسم بس ما صرعته
ما اكدر بعد يابه الحسن اكضيهه سكته
آنه آنه ما متغير وهم انت انته
مثل قبل علي اطلع عليهم
قسم نفر نفر اكطع اديهم
شكو وشصاير وشجاب الشارد
علي بس تامر ما ارحم واحد
عالنار آنه اكدر ارضيك يا حيدر
إنه هاوي الكر
خفّه بضربتي وبسرعتي محد يكدرك
مرحب ما دره بروحه انقسم الا تحرك
انت الاول بكلشي وسف ذاكه يأخرك
(ياحصن الحصين ) الما كدر واحد يعبرك
بركن صرت الك اصد واراقب
ردت اذن واهد عله النواصب
تره من فتره والقبضه اتريدك
علي والزهره مشتاق لايدك
بالروس اتخير ارضيك ياحيدر
إنه هاوي الكر
يا فاتح حنين وخيبر وذات السلاسل
فتحوا بابك بنار وتماده البعده جاهل
و انخاني ازلزلها واحل كل المشاكل
راح اصنع حرب واسم الحرب حرب الزلازل
اذا اجي بعد انهي القضيه
فلا يمس بشر باب الزجيه
علي راح اطلع حدّيت اسنوني
وإنه ما ارجع الا احمر لوني
ارواح تتبخر ارضيك ياحيدر
إنه هاوي الكر
انت ياعلي الصديق الاكبر وانته الاعلم
كشّاف الكرب والداعي والفاروق الأعظم
مصباح الدجى غيث الورى واول من اسلم
ذو القرنين ابو الحسنين اخو الهادي وابن عم
النبأ، مذل ، معز حارس نبينه
ولي ، صفي ، علي باب المدينه
ياصنو جعفر يا ليث الغابه
وزوج الكوثر كل هاي القابه
القاب وانت اكبر ارضيك ياحيدر
إنه هاوي الكر
من بعد الحجي هذا درت وجهك عليه
اشكر موقفك ما قصرت واكف اليه
غالي عندي ياسيفي لجن اغله الوصيه
للمهدي اسلمك يا فقار العز بديه
متى يجي تجي ويه الغياره
الك نصر حرب هاي البشاره
علي طمني راح اخذ حيفي
تره وايهمني باجر تكليفي
واهناك من اظهر ارضيك ياحيدر
إنه هاوي الكر
play_arrow
play_arrow
play_arrow
play_arrow
play_arrow
play_arrow
تعليقات