لطمية ضلعي ابصدري مكتوبة
الرادود باسم الكربلائي
ضلعي بصدري عجيبة باقي سالم
واجب كسره عليها واني خادم
لو ما الخدمة .. الحب شيفهمه
بگماطي وسمعت الوالده شتقره
من تلولي عليه وتبجي على الزهره
ساعتها اعرفت دمع اليحب جمره
ما يكبر عشگ لو ما على الفطرة
واني زغير روحي دمعه طاحت
يوم اسم الله الزهره امي صاحت
بلا هالكلمة .. الحب شيفهمه
من جاهل جنت واهلي يعرفوني
بكاروك الخشب ما احب ينوموني
باب الزهره اذكره اشما يهزوني
واخاف اكسر ضلعها من يدفعوني
لاطم باجي وناعي من الطفولة
لو ما دمعي ونوحي بي رجولة
لا مو زلمة .. الحب شيفهمه
حتى الگاع محتاره ابمعاناتي
اول ما مشت فوگاها خطواتي
حتى ابضحكتي موجودة دمعتي
ياذيني الكسر بضلوع مولاتي
تمشي جروحي بروحي لمن امشي
شوگي ابعيني يسولف عنه رمشي
دمعي يرسمه .. الحب شيفهمه
يعجبني اليحب لو من صدگ يهوه
مو حب عن فراغ ولا عشگ نزوه
يتباهه ابجنونه الواصل الذروه
دمع الما يحب من ينزل شيسوه
يبجي يشوفه حبيبه وهوغايب
نايم صاحي فؤاده شمعه ذايب
عايش بسمه .. الحب شيفهمه
انا ادري اللطم عالزهره مو كافي
لازم اكسر الها ضلوعي واجتافي
من احجي بسمها ينزفن اشفافي
لو اندل گبرها جا رحت حافي
زاير امشي دربها كل منايه
عمري وگلبي ارفعه بيدي رايه
ناذر دمه .. الحب شيفهمه
ناس اتخلدت ما نعرف اشعدها
بس ام الحسن موقفها خلدها
اول بنت نبي تصير ام لوالدها
كتلتها الـ وإن والسطره البخدها
قالع خيبر حيدر لو سمعها
هاي الدنيه عليهم چا دفعها
لو مر اسمه .. الحب شيفهمه
ما همها الجنين بساعة الدفعة
ولا كسرة ضلعها وطيحة الدمعة
خافت عالستر لا يوگع البضعة
لو طايح تظل نسوانه امفرعه
هيبة ستر الدنيه من سترها
واني واهلي وناسي تحت امرها
باب الرحمة .. الحب شيفهمه
play_arrow
play_arrow
play_arrow
play_arrow
play_arrow
play_arrow
تعليقات