لطمية طاحت كل الدنيا مكتوبة
الرادود باسم الكربلائي
طاحت .. كل الدنيه من عيني
فدوه .. كل ايامي وسنيني
يامن طيحتك مدري شكبرها
يامن طيحتك مدري شكبرها
انه ام وطبع عين الامهات
تشوف وجه وليدها من اربع جهات
منين ماتعطش تذل نهر الفرات
طيحتك بالطف بخور وذكريات
طايح .. طيحة نده عله الورده
طايح .. گصّة نبي للسجده
حگ من تفتخر عيني ونظرها
ما ألومه اللي يراميك بسهام
بديرة الغربان محسود الحمام
نظرة عيونك نبي وطولك أمام
يعني جرحك لو نزف ينزف غرام
يضحك .. نزف الجرح من راسك
جرحك .. ينزف ضوه من احساسك
الورده التنذبح تنزف عطرها
گالو ابنج بكر ابن غانم اجاه
وين ابن غانم گلت شو بس گفاه
شِرد وابني يستحي يركض وراه
والشجاع بغيرته وبمستحاه
شافوا .. ضربة سيفك وحيفه
گالوْ .. .هذا المرتضى وسيفه
قالع خيبره للطف حظرها
غير اصدّگ.موتتك حتى استراح
گلت راجع غير أگول وليدي راح
واگف الشلاّل ليش نشوفه طاح
شلون طايح؟وانت راسك عالرماح
عينك .. فوگ الرمح وتخازِر
وينك .. عله شفاف امك تكابِر.
يبني وفرگتك كسرت ظهرها
تأخرت هالصدگت فاجعني بين
من شفتها مطشره بعيني السنين
من البواجي عليك ماضلتلي عين
وارجع اصبر من أصيحن ياحسين
صحته .. .وحط يمنته عله ضلوعه
شفته .. يبجي ويمسح دموعه
راح ابنج علي الدمعه اختصرها
يمه مفتخره رغم جرح الغياب
لْدين جدك راح أگول انطيته شاب
گالوْ ندفنه وگلت كلمة عتاب
الذهب مايندفن جوّه التراب
وليدي أمسح دمعي بثيابي
وبيدي .. أمسح دمعة عتابي
لكن دمعِتي مبيّن أثرها
اي يتارس عيني والدنيه بضواك
الزَمن شمسوْيتله ومن ايدي خذاك
باگ مني جم دلّلول برباك
الذابحك جا ماذبح امك وراك
حافر .. ساحگ صدرك وصدري
وباجر .. امك باليسر تدري
نظرات الشمر تگطع نحرها
play_arrow
play_arrow
play_arrow
play_arrow
play_arrow
play_arrow
تعليقات