لطمية عقيدتنا الزجيه  مكتوبة

 

الرادود باسم الكربلائي

 

 

عقيدتنا الزچيّه .. إلى يوم المنيّه
إبدَواوين الملوك اِتشوف
رگاب الناس مِنكَسرَه
بـس اِحنه الحَمِد لله
اِرتِقينَه اِبمجلس الزهره
 
إبزَمَن تاه الشَرِع مِنَه
و اسم بس الإسِم للدِين
وعلى باب الجَهِل و المال
تِشوف الأغلب اِمدَنگين
الحَمِد لله اِنحِسَبنَه اْحنه
خَدَم وِ ابمَجلِس أُم اِحسين
ثِـبَتنه اِبيْن كِلِ الناس
الغَيرچ ما نطخ الراس
ساس اُو باقي هذا الساس
الخِدَمها ما يِذِل هيهات
إبالك خلها هل فِكرَه
إبالك خلها هـل فِكرَه
وَ حَقِ الزهره مـا نِنذَل
يَقين أُمِ الحَسَن نِدري
عَـلـينه اِبكل وَكِت تِسأل
على مَر الزَمَـن شِـفـنَه
اِشكثر خادِمها يِتدَلل
اِشما دِنيانه تاذينه
نِنادي اُو نِرفع اِيدينَه :
“يا فاطِم اَغـيثينَـه”
مو عِجبَه اِبذِكرها اِيعيش
الميِّت لو وَسَط گبرَه
روايات الـعَزَه كِـلها
نِظَل للموت نِعقِدها
واهم كِـلمن اِيحاول
الحِرگه البينه يِخمُدها
خِدام الزجـيّه احنه
و اخذنه الحَيْل من عِدها
رِسالة كِل شَخُص يِنعَه
اُو مُعَزي يِهمِلِ الدَمعه
يِنشر قِصَة البَضعَه
لازم يِسمَع العالـم
اِبعام إهدعش للهِجرَه
اليِسِد إذنه عن التاريخ
اُو يِحاول يِمحي آثاره
اِبمجالسنه يِظل يِنعاد
مُصاب الزهره تِذكاره
بعد عين النبي المُختار
العِصابه حاوِطَت داره
النبي مِن نام بِترابه
إجوا هِجموا على بابه
مو صُحبَه تره اْذيابه
واحِد بيده شايل نار
اُو واحد ناره اِبصَدرَه
خَلف الباب نور الله
اُو صِراطه البيه نُوصّلَه
الزهره الزاهره الحوراء
البَقية مِن رسول الله
عَجيبه يِرفس ابهل باب
أرذل گومه اِبرِجلَه
يِدفع بابها اُو صاحت
دخيلك يا علي وطاحت
شافت مِحسِن اُو ناحت
حسافه الزهره يا طه
تِطيح اِبإيد هل زُمرَه
تجيلك باچر البَضعه
لَچَن مِختَلفَه بالصوره
تجيلك تِمشي مَحنيّه
يويلي لَنها مَكسوره
واذا تِسألها عَن خَدها
تِگلَك بُويه مَسطوره
يِظَل ثار اُم حَسَن قائم
حتى مَطلَعِ “القائم”
يِجي و الثارها عازِم
ثار الزهره بيده اِيصير
و ياخذ ثار للعتره

 

تعليقات

لإرسال تعليق یجب أن تسجل في الموقع

لطميات

more_horiz

مقالات المرتبطة

آخر الصوتيات المضافة

آخر المرئيات المضافة

  • 2.00x
  • 1.50x
  • 1.00x
  • 0.75x