لطمية الدنيه ظلمة وفاطمة مصباحنه مكتوبة
الرادود باسم الكربلائي
الدنيه ظلمة وفاطمة مصباحنه
حبهه تسبيحة ضوه لارواحنه
اعلينه لو كشّر بانيابه الزمن
نعوف كلشي وما نعوف ام الحسن
احنه غير الزهرة ما عدنه وطن
بدونهه مكسور يبقه جناحنه
گالوا انسه الزهرة واخذ شما تريد
ويايه گلتلهم حچيكم ما يفيد
هي اقرب إلي من حبل الوريد
الزهرة نسمة وكل وكت تجتاحنه
نخلي فوگ احروف قصتنه النقط
نموت نحيى اوياهه ماكو حل وسط
خطنه يبقه فاطمي وما غيره خط
فاطمية احزاننه وافراحنه
ليش الله بعيننه خله دمع
حتى للزهرة ننوح وننفجع
الله ينسانه اذا ننسه الضلع
عالضلع لا ما نبطل انياحنه
يمتحننه بحبهه الله بكل زمان
إليضدهه ماله بالجنة مكان
واليحبهه ناجح ابهالامتحان
بالحشر نجني ضعف ارباحنه
نسمي باسماء الزچية للأبد
فاطمة وكوثر وزهراء وبعد
حته عبد الزهرة سمينه الولد
عِنداً وغصباً على ذباحنه
الريح گالوا بابه سده واستريح
احنه بس اوگفنه گدامه ونصيح
صحنه شيعة فاطمة متهمنه ريح
فاطمية شما تدور ارياحنا
احنه حته امواتنه اتصيح وتگول
يا سلام الله على ضلع البتول
حبهه باقي وكلشي بالعالم يزول
حبهه بالمحشر يصير سلاحنه
play_arrow
play_arrow
play_arrow
play_arrow
play_arrow
play_arrow
تعليقات