Thu20220526


رضيعك

باسم الكربلائي

باسم الكربلائي
لطميات
إجعل هذا الفيدیو في موقعك
128 × 72
240 × 135
480 × 270
640 × 360
عرف
:طول
px
:عرض
px
رضيعك - باسم الكربلائي
تاريخ الاضافة
2021-09-06
المشاهدة
228
المدة
00:00:00
عدد التحميلات
63

نص هذا المقطع

  الشاعر : السيد سعيد الصافي الرميثي


رضيـعك عـزائي وأنينـي وبكـائي
اني ياجدي المغيب عن دياري
والارامل واليتامه بانتظاري
منتظر يوم الفرج ماناسي ثاري
آني بيد الخالق القادر قراري

نعيتـك يـ جدي اعـله منبـر وفـائي

******
ياصريع الدمعة والعبرة الشـجية
ياجـرح هامة علي وضلع الرچـية
ياقنوتي الـبي شفت گلبـي اعله اديه
شفته ينزف دم ضحاية الغاضرية

واسـمعك تنـادي يـحامل لـوائي

******

يا امير الكبرياء وسر وجودي
فكني من سجن الصبر كسر قيودي
دمعي دم متوگد ايـجرح خدودي
يـا مصيـري وثـارك الـيضمن خلودي

اشــوفك يقينـي وخـلاصة ولائـي

******

صلت اعليك السيوف الرخصتها
تاخذ المنك تريده وعانقتها
استقامة دينك ابذبحك شفتها
روحك ابيد القدر من سلمتها

مصابك عويلي وشعاري ابـ نـدائي

******
چبدك السـهم المثلث من هديته
چان جمرة من العطش يلـما رويته
شيبـك المن دم جبينك خضبيته
بيش جازوا دمع العليهم بچيته

فديتـك عـساني ابـوريدي ودمـائي

******

فوگ صدرك ذبحوا امراية خشوعك
لـلخيم محني الظهر رادوا رجـوعك
جازوا ابضـحكة شـماتهم دمـوعك
وبحوافر خيلهم هشموا ضلوعك

قيـامة حسـابي من الله رجـائي

******

جسمك الما تنحصي جروحه الوسيعة
بكل كتر متانثرة اوصالة القطيعة
يلفجيعـة مصرعك أعظـم فجيعة
منهو مثلك بصدره ملحودة رضيعة

" وثيــابك سليبـة يـقبلة شـجائي "

******

المرسل: الإثنين, 08 تشرين2/نوفمبر 2021