لطمية تمنيت مكتوبة

 

الرادود باسم الكربلائي

 

 

تمنيت هذا تابوتك الي
ولا عيش لحظه ما بيه علي
يبو احسين يبو احسين لا تگول اتحملي
 
ها يبويه الليل من هسه اضطهدني
يالچنت لازمني بيدك لا تهدني
روحك اتگلك انا انتظرك بعدني
چفك الرد الشمس يگدر يردني
صحت وين چفك الرد الشمس
علي ليش  ما يرجعنه الامس
انا ارجاك انا ارجاك يبويه گولي اتدللي
 
تمنيت هذا تابوتك الي
ولا عيش لحظه ما بيه علي
يبو احسين يبو احسين لا تگول اتحملي
 
هذا ابوي الشايل الدنيه اعله چفه
تالي ماتالي الچفن يگدر يلفه
اجنازة الولي تره شيلتها كلفه
ابيا علي شيلو علي بنته او اعرفه
يجناز نعش الابطحي
يحملوه لو محمد لو وحي
يبو احسين يبو احسين لا تگول اتحملي
 
تمنيت هذا تابوتك الي
ولا عيش لحظه ما بيه علي
يبو احسين يبو احسين لا تگول اتحملي
 
يا علي صح هذا تابوتك يلمك
وانا حسبالي الارض ماتكفي جسمك
اقسم اعله الله يبويه بهذا دمك
كون اموتن هسه ويدفنوني يمك
يالتراب هذا ابوك اشتاگلك
ابو تراب خله بنته او رد الك
اجه العيد اجه العيد وانه اسود منزلي
 
تمنيت هذا تابوتك الي
ولا عيش لحظه ما بيه علي
يبو احسين يبو احسين لا تگول اتحملي
 
اتركوني وي علي لحظه اودعه
ابگلبي كلمه لازم احچيهه او اسمعه
قالع الباب الذي محد يقلعه
هذا تابوت الخشب يگدر يمنعه
علي يموت يا زمن شوف العجب
القلع باب  ايمنعه تابوت الخشب
والايتام والايتام عدها بس حيدر ولي
 
تمنيت هذا تابوتك الي
ولا عيش لحظه ما بيه علي
يبو احسين يبو احسين لا تگول اتحملي
 
بويه اذكر مره حزنانه شفتني
صبرتني وشبگتني او قبلتني
هسه ليش الطم عله راسي او عفتني
اتوسلك ارجع ولا چن اسمعتني
يبو البيت ارجع البيت انهدم
بغيابك انتظر نار الخيم
والاقدار والاقدار بيها زينب تبتلي
 
تمنيت هذا تابوتك الي
ولا عيش لحظه ما بيه علي
يبو احسين يبو احسين لا تگول اتحملي
 
چفك ابراس اليتامه من يزيله
يا علي يترك اثر مده طويله
منهو يمسح راسي باچر واشتكيله
بس علي چفه كفو الراس العقيله
يويلاه من يشيلون النعش
والدموع ينزل اوياها رمش
يبو احسين يبو احسين لا تگول اتحملي
 
تمنيت هذا تابوتك الي
ولا عيش لحظه ما بيه علي
يبو احسين يبو احسين لا تگول اتحملي
 
يا علي راح استعد للغاضريه
عالحبل من هسه تتعود اديه
وحدي خلوني اذا تمسي المسيه
حته اتعود عله حال السبيه
يهالناس ادري صعبه المسأله
من الان استعد الكربله
صحت اه صحت اه حته يسمع كافلي
 
تمنيت هذا تابوتك الي
ولا عيش لحظه ما بيه علي
يبو احسين يبو احسين لا تگول اتحملي
 
استمع ونة يتاماك الاليمه
اتراولي بالطف يتامه ابلايه خيمه
اتراولي چف الشمر شايل جريمه
اتراولي سوط او يطر ظهر اليتيمه
يعباس الله يستر من شمر
يگولون ما يحب اسم الخدر
اسف كون اسف كون الشمر حادي الي
 
تمنيت هذا تابوتك الي
ولا عيش لحظه ما بيه علي
يبو احسين يبو احسين لا تگول اتحملي
 
بويه رايح ماكأن تسمع ونيني
يا علي اوليل اهدعش ما تعتنيني
ابداعتي جيب الزچيه من تجيني
والسطر عين امي هم يسطر عيني
تجي اتشوف راس الحسين ابرمح
تناديه يمه ضامي او تنذبح
وانا قول وانا قول يمه هذا قاتلي
 
تمنيت هذا تابوتك الي
ولا عيش لحظه ما بيه علي
يبو احسين يبو احسين لا تگول اتحملي

تعليقات

لإرسال تعليق یجب أن تسجل في الموقع

لطميات

more_horiz

مقالات المرتبطة

آخر الصوتيات المضافة

آخر المرئيات المضافة

  • 2.00x
  • 1.50x
  • 1.00x
  • 0.75x