لطمية إقره الفاتحة مكتوبة

 

الرادود باسم الكربلائي

 

 

إقره الفاتِحه تسهيل امُر يبني
يا عبّاس اريدك تحضر ابدفني
يغالي ابْكربله اوتدري
إذا حان اِلأجَل بيّه
تجي اوتِلگه ابنك الهَسّه
الفضِل ما فارَگ ايْديّه
واگلّك عالوعَد ردّيت
هله يا صاحِب الجَيّه
اوعليّه اتسولف العاشر
تره امّك كربلائيّه
وابذكر ابو اليمّه ينطبگ جِفني
يا عبّاس اريدك تحضر ابدفني
شرَف يوليدي ربّيتك
بني هاشِم يوقروني
اوتره ابزودك يبو فاضِل
أنه علويّه حِسبوني
يعمّ السّاده أتنخّاك
واتاني اومنخطف لوني
نعَم سَبّلت چَفّيني
وَلَكن فاتحه اعيوني
تحضرني ردت بآخر نفس منّي
يا عبّاس اريدك تحضر ابدفني
تعال اِبموتي يا عبّاس
گبُل ما تخلْص اَنفاسي
وكِت ما أحْضِتر أطلُب
أشوفك يُمّه يَمْ راسي
غريب احساسي گبْل الموت
حبيبي اوتدري باِحساسي
تره ما يَمّي ناس اِبْهاي
ضحايه ابْكربله ناسي
دگ بابي الأجل يالمبتعد عنّي
يا عبّاس اريدك تحضر ابدفني
أعرفك عالوعَد عبّاس
تره ما بينّه احچايه
واريدك مِن تجيني اتشوف
عيني جودك اومايه
ردِت تغسيلي مِنّه ايصير
اوردت تچفيني بالرايه
ابْچفوفك ينحفُر گبري
تره امْوصّيتك ابهايه
وابْهونك وسَط گبري تنزّلني
يا عبّاس اريدك تحضر ابدفني
تعال اوجيبلي امْن اِحسين
ييُمّه اتراب مِن گبره
اريد اشتمّه گبل الموت
شرُط بي ريحه مِن صدره
واذا تلگالي اثَر باقي
الخيم زينب وَلَو جمره
تجيبه اوياك يا عبّاس
تره ما هانَت اِلعِشره
أنخاك اوأعرفك ما ترجّعني
يا عبّاس اريدك تحضر ابدفني
أريدك بآخر انفاسي
اوْيه آخر چِلمه مِن صوتي
تحنّي اجنارتي بتراب
تَلّ الزينبي ابموتي
وَلابُدْ مِن رماد اخيام
زينب ويّه تابوتي
اوتصَلّيلي ابثواب احسين
أحلفك يُمّه بِمْروتي
تقره ازيارته ابگبري طلب منّي
يا عبّاس اريدك تحضر ابدفني

تعليقات

لإرسال تعليق یجب أن تسجل في الموقع

لطميات

more_horiz

مقالات المرتبطة

آخر الصوتيات المضافة

آخر المرئيات المضافة

  • 2.00x
  • 1.50x
  • 1.00x
  • 0.75x