لطمية طفلة وحلم مكتوبة

 

الرادود محمد الجنامي


غمّضت عيني ابدمعتي
 
و شفتك يبويه بالحلم
جايبلي ترچيه و دوى
مالك نحر بس مبتسم
مــن بــعد الآم الســبي
يــا والدي و ضـيم الســهر
طبّـــينه للشــام و لچن
استــقبلوا ظعنك بالحــجر
و صرنه ابخرابه يالولي
وغمضت عيني من الخطر
نمت ابرعب لاچن شفت
تضوي الخرابه چن نجم
جيـت و مسحـت اعله الجرح
بيدك يسـبّاح الگلب
دمك يصـب من النحر
و تمسح دمع عيني اليصـب
اتحاچيني بس عينك تصد
باجدامي شمسوّي الدرب
عطــرك اشـمّه ابحسرتي
يـا بويـه طاب الـمنـلچـم
ادري لقائي هالــمسه
وي راسـك ابليل الحـــزن
هسه آنه احضنك يالچنت
كلّك الي تصبح حضن
خلّيــني اموت ابلـهفــتي
و بـهـالخرابه انــدفــن
و بالجنــه موعدنه و الك
عندي سوالف عاليتيم
اول لقائي وياك اجي
واگـعد بحضنك وانظـرك
عنك اضم جرح الاذن
كل خوفي اكسر خاطرك
احسب اصابيعك و اصد
مفگود بعده خنـصرك
ما تحـچي بس كلّك الم
و حچي الألم ما ينفهم
بويه جبـت درب السبي
بيـن الضرب بين الدفع
مكسور گلبي و خاطري
و كسر الگلب ما ينسمع
گد ما يصيـحون العده
المسبيه خلي إتصـب دمع
مسبيه صار اسمي بعد
ونسيت هم عندي اسم

 

تعليقات

لإرسال تعليق یجب أن تسجل في الموقع

لطميات

more_horiz

مقالات المرتبطة

آخر الصوتيات المضافة

آخر المرئيات المضافة

  • 2.00x
  • 1.50x
  • 1.00x
  • 0.75x