لطمية  للحسين كاصد -المشاية  مكتوبة

 

الرادود محمد الجنامي

 
 
 
 
للحسين كاصد
والدموع شاهد
لون موت مارد
وحك هيبة علي
والخيام والاسهام والايتام بعيوني
 
متعني الك مشي... يامنزل البچي
ياسيد الحچي.... وعنوانه
والبترابه ينحلف....رايه بچفه ترف
ابو فاضل الكلف ....ويانه
جينالك عله العهد وابو صالح الشهد
وعبدالله من المهد....حياااانه
وزينب نادت ياهلا...ضويتوا كربله
جيتوا وي العايله.... الحزنانه
ابد مااااا نسيتك...وي العيال اجيتك
سوى نطوف بيتك...قليل اتقبله
ي الانفاس يمقياس الاحساس وجنوني
والخيام والايتام والسهام بعيوني
انت عشكي الاولي...يادنيتي وهلي
شوفي انت ابو علي  ونظراتي
ماظلي بعد صبر...امشي صبح وعصر
لو تسحگ الجمر....خطواتي
وإجدامي لو قصرن ازحفله والحسن
وأبچيها بالصحن ....دمعاتي
يمولعني بالعشگ...خل گلبي يحترك
وخل كربله التدك.... نبضاتي
يشوكي وغرامي....وتراتيل هيامي
حبيبي وإمامي...ويلذ إمن الهوى
المصيري واميري وچبيري ودوني
والخيام والايتام والسهام بعيوني
ٱنه ماشي والگلب...يسبگني بالدرب
رايح گبلي يطب.... للحضره
رمشي بدمعتي ندي...إمن اوصل يا مسعدي
يناديني سيدي ....من گبره
لو بحرين ٱمن الدمه....ماشي لٱخر سمه
ورايد من فاطمه.... بس نظره
ماخذ روحي الهوى...مجنون إبنينوى
دلالي انچوى.... بالجمره
اشتياقي وحنيني ولهفتي وانيني
من الحسين تجيني وترس روحي عشك
ويجي اصياح طفل طاح والرماح بمتوني
والخيام والايتام والسهام بعيوني
بيه ٱجروحك ماتجف..اربعميه والف
سايل منها نزف.... بفكاري
اگضي دربي بالنعي...وأم الحسن معي
تلطم ع الاضعلي  اعله اطواري
وٱبزود سبع الگنطره..وينادي حيدره
احمي الزاير ترى ....بفقاري
راجع من شام السبي...وگلبي وي ٱل النبي
وجرى دمع الزينبي .... ابنظاري
العيون ناحت...والذنوب طاحت
والاملاك صاحت...يمشايه هلا
السماوات هتافات صلوات يباروني
والخيام والايتام والسهام بعيوني
ياحزني ويفرحتي...يا دمعي وبسمتي
طعم الها دنيتي....  إمن احروفك
بس يمك ترى انوجد...وعدمي من ابتعد
خل روحي تنعگد .... بچفوفك
يا تسبيحي بالسحر...ماخذني للسهر
شوكي بروحي كبر .... لطيوفك
عمري ابدا ماشفت..مثلك ولا اعرفت
إبلا راس وعزبت.... لضيوفك
غصن ٱه ذابل... للحسين راحل
برد حر ما مل..يحزمني الگمر
الك جاي يسلواي جبت ماي بجفوني
والخيام والايتام والسهام بعيوني

 

تعليقات

لإرسال تعليق یجب أن تسجل في الموقع

لطميات

more_horiz

مقالات المرتبطة

آخر الصوتيات المضافة

آخر المرئيات المضافة

  • 2.00x
  • 1.50x
  • 1.00x
  • 0.75x