لطمية  بروحي ما ناسيك مكتوبة

 

الرادود محمد الجنامي

 

 

بروحي ما ناسيك حتى اتذكرك
عودتني بكل شعور استشعرك
واجواداه واجواداه
من عرفتك عودتني حاجتي بيدك شفتها
 
هاجرت ايامي كلها وروحي عندك سلمتها
يل عفت كلشي اعله مودك بس محبتك ما عفتها
وانت تدري سنيني كلها حزنك وخيرك عشتها
وين ماترمش عيوني اتصورك
عودتني بكل شعور استشعرك
واجواداه واجواداه
 
وانت يالماعندي غيرك بس الك مديت اديه
والوحيد انت العرفتك دوم ما تزعل عليه
حتى من وياك اقصر ادري هم ما تنطي بيه
دائماً بس انت فاتح گلبك وبابك اليه
يالجواد واسمي سجله بدفترك
عودتني بكل شعور استشعرك
واجواداه واجواداه
 
طينتي من اتراب گبرك واني ممنونك يغاتي
يا جواد اهل المحنه البيدك مخلي امنياتي
تدري كلما يمك اركع الله يتقبل صلاتي
ومن گمت الزم ضريحك حصلت راحه بحياتي
وما خسر والله كلمن ناصرك
عودتني بكل شعور استشعرك
واجواداه واجواداه
 
ياملاذي ومالي غيرك بس فقط يم بابك اني
من امد ايدي اعله حاجة تنگضي حسبة ثواني
حجة الله وكلشي بيدك حتى روحي وكل كياني
وگلبي هاي الليله تدري لطيبة ترابك خذاني
وروحي تستوحي المحنه بمنظرك
عودتني بكل شعور استشعرك
واجواداه واجواداه
 
بزينب الراحت سبيه وبنات حسين احلفك
واقسم عليك برقية عندي حاجة وارد اكلفك
بداعت العباس حلها وادري راح تحلها اعرفك
بداعت سكينه العزيزة من تضيگ انطيني چفك
شما تضيگ الدنيه بيه اخبرك
عودتني بكل شعور استشعرك
واجواداه واجواداه
 
الخاطر حسين التحبه السحكت الخيل اعله صدره
ابخنصره الضايع احلفك ردت منك ولو نظره
يالجواد وانه اعرفك خاطري لا ما تكسره
ادري بيبانك چبيرة وتنطي لليهواك اجره
لخنصر حسينك يألمك خنصرك
عودتني بكل شعور استشعرك
واجواداه واجواداه

تعليقات

لإرسال تعليق یجب أن تسجل في الموقع

لطميات

more_horiz

مقالات المرتبطة

آخر الصوتيات المضافة

آخر المرئيات المضافة

  • 2.00x
  • 1.50x
  • 1.00x
  • 0.75x