لطمية مواكبنا خيم مكتوبة
الرادود محمد الجنامي
هاذي مواكبنا خيم
حارسها شيّال العلم
خلاها بالعين
يالگاصدين الكربلا
كل الهلا ومية هلا
ابزوار الحسين
ربونه اهلنه اعله
الخدامه ازغار وكبار
الزاير اشما يطلب
نگله تأمر وصار
كل فضل ما إلنه
الفضل الكم يزوار
أحنه خدم وحسين
هو صاحب الدار
احنه انخلقنه الكم خدم
نتبرك ابترب الجدم
عدكم براهين
نتباهه بيكم ع الملا
كل الهلا ومية هلا
ابزوار الحسين
نتشرف ابكل الخلگ
من كل مدينه
من خير چف ام الحسن
متروسه ادينه
ممدوده سفرتنه وهلا
ابكلمن يجينه
اليحچي إعله زاير كربلا
اشگد صلفه عينه
اليجرحله زاير اي جرح
ابجرح الحسين ايحط ملح
يحرگ صواوين
واحچاية الربوه هله
كل الهلا ومية هلا
ابزوار الحسين
هذا اربعين حسين اجه
مفتوحه البيوت
خدمتكم اغله امن الهوى
من دونهه انموت
الطبيتوا بيته فاطمه
وياكم اتفوت
اليخدمله زاير هالسنه
عند الله مبخوت
والخادم العنده وفه
لازم يبين موقفه
ويوفي بالدين
ابدفتر الزهره امسجله
كل الهلا ومية هلا
ابزوار الحسين
اليخدمكم اينول الشرف
من صاحب الجود
الما راد يخدم خله يسكت
غيره موجود
العادوا الزاير بالقيامه
اوجوههم سود
الماله بخت من رحمة
العباس مطرود
بيرغ الخدمه ما هِوى
بچفوف شياّل اللواء
الهاي افتهم زين
العباس راعي القافله
كل الهلا ومية هلا
ابزوار الحسين
باچر إذا زينب
تجي للغاضريه
مو فشله تلگه كربلا
منهم خليه
ظلت رقيه ما اجت
ماتت سبيه
الحسين إذا ظل وحده
تعتب رقيه
خلوا نداكم يعتلي
خدام إلك يابوعلي
اشما تمضي السنين
من گلوبنه الصوت اعتله
كل الهلا ومية هلا
ابزوار الحسين
play_arrow
play_arrow
play_arrow
play_arrow
play_arrow
play_arrow
تعليقات