لطمية وينه محملي مكتوبة
الرادود محمد الجنامي
هاذي محاملكم يبو اسكينه
وخبرني بالله محملي وينه
يابويه ادري خايف اعليه
لاچن اطمنك كلشي مابيه
محملي وينه
باچر ابروحي وهلي
هالنوگ يحدن
يشدن المحمل وأنه
بجروحي اشدن
كل خواتي اوياك
للسفره استعدن
وادري لو راحن
اليه ماايردن
بويه چنك ناوي
تاخذ كل هلي وأحبابي
وچنك ابهذا السفر
شو ماحسبت احسابي
جيتك يبويه اتوسل ابختك
بالك علَي هو انه هم بنتك
صح آنه امشي بقامه محنيه
لاچن اطمنك كلشي مابيه
محملي وينه
انطيني رخصه احضر
ال هالسفره رَحلي
اوداعتك يابو العليله
اخفيف حملي
اشيمنعك تاخذني
وياكمم د گلي
تمشي بهلي وتدري
اموت ابفرگة اهلي
كل صبح ياهو اليجيني
ويگعد امحاذاتي
و آنه متعوده افك
عيني ابوجه عماتي
يمكن شفتني امشي واتعثر
الهذا احسبتني اعله السفر مگدر
صح اآني گوه اجر هوى الريه
لاچن اطمنك كلشي مابيه
محملي وينه
ياعساك اتحن عله
ادموعي الهوامل
يالشلت من الوطن
لاوين شايل
لاتظن مااگدر
اركب ع المحامل
اصعد ويلزم
ببيديه ابوفاضل
وجهي الاصفر لايهمك
واستمع هالچلمه
عمي لو يحملني بيده
اگدر الوح النجمه
ع الناگه اركب والزم ابإيده
يثني ركبته واصعد ابهيده
بالصعده يمكن ترجف ايديه
لاچن اطمنك كلشي مابيه
محملي وينه
بيد جاسم رمله
يتنوخ جملها
وعلي الاكبر يسند
ال ليلى حملها
عمتي زينب على
بخت اللي كفلها
والرباب اتسافر
وتاخذ طفلها
وحده وحده اوياك
اجت بس آنه التخليني
ادري هو ابصدري صخره
لو گلب حاچيني
گلبك عليه بويه ليهمك
ابخير آنه صدگ دام أنه يمك
گلبك اعرفه ايفيض حنيه
لاچن اطمنك كلشي مابيه
محملي وينه
بيرغك خفاق فوگ
النوگ زينه
وعمي شياّل العلم
يبرى الظعينه
تمشي وبلا واهس
اتظل المدينه
وآنه وام عباس
بالله شلون بينه
نگعد امگابل وننعى
وللماتم نبني
راح ابويه آنه اون
وهي تون راح ابني
طفله وعليله گلبي لتكسره
اقسم عليك ابفاطمه الزهره
خايف معاكم تصعب الجيه
لاچن اطمنك كلشي مابيه
محملي وينه
play_arrow
play_arrow
play_arrow
play_arrow
play_arrow
play_arrow
تعليقات