لطمية حرام اعيشن مكتوبة

 

الرادود محمد الجنامي

 

 

حرام أعيشن إذا أگطع اوْنيني
ما أبْري ذِمْتي إذا ما بچَت عيني
ميْجوز إلي دمِّي يجري ابشراييني
لو أنسه دمَّك
ضِعْنه يحسين اْو مُصابَك رَد جِمَعْنه
ثاري دِنْيا ابلا بچِي ما إلها معنى !
حگنه لو نتحسَّر اْو يجري دمِعْنه
مثِل آدم چِنَّه بالجنَّه اْو طلعْنه
كياني ابمصابك .. مَكاني اعْله بابَك
أعيش امْن أشمَّن .. هَوَه البي تُرابك !
طول السَّنه ميِّت اْو حزنك أحياني
اْو غير الدَّمِع ما يطهَّر لي وجداني
و اشما أضيع اِبـْحُسَيْنِـيِّـه تِلگاني
أبچِي اعْله همَّك ..
اهْدَعَشْ شَهْر ابْچَفَّه عندي اْو چِفَّه شَهْرَك
و انصبغ كلشي ابحياتي ابلون نحرَك
الگاع مغصوبه إذا مابيها ذِكْرَك
ياللِّي مِلهْمني الحزِن إلهِمني شُكرَكْ
أشُكْرَك, اِعْله دمعي .. اِعْله حزني, اِعْله طبعي
اِعْله شعري منِ أكِتْبَه .. اْعله صوتي منِ أنعي
امغّرگِني خيرَك و أظل عمري مديَونك
لو ذرَّه ذرَّه يگطعوني لعيونك
ما وَفِّي خطوة جَـمَـل من سبي اظعونك
مرِّ اِعْله جسمك ..
طبِع أمِّ الفاجده صارت طبِاعي
من أنوح اِعْليك ما دوِّر دَواعي
وقُف بس لمصيبتك واقِف سَماعي
اْو صوتي بس للونَّه و الهَم و النِّواعي
شغِلْتي الوحيده .. شغُل كل فِجيده
أنوحن عله اللّي .. انذبح طفله بيده
يا مَن تَرى باطِني اْو تِعْلَم ابْـ نِيتي
أستَشْكِل ايْطب هَـوَه غيرك ابْـ رِيتي
آنه التُراب الذي مرتفِع صِيتي
چِي صِرْتِ أخِدمك !
مثِل طير الحُر أنا كل عمري عِشْته
اْو شخِص واحد بس مِلَكْني : اْو هُوَّه إنته !
ياللي راسه اعْله القنَه اوْ عينه اِعْله إخته
اعْليك كل من ما يوِن مشكوله ذِمْته!
رِزِيتي ثجيله .. او دموعي قليله
اشتفيد البواچِي .. اْو سبوها العقيله
إنطيني دمعه اعْله زينب و إخذ روحي
عليَّه دِيَّه إذا تبرَد اجِروحي
حاجه أخيره اْو دَخيلك يمذبوحي
عيِّشني غمَّك !
روحي مو روحي إذا عافت حِزنها
اْو عيني مو عيني إذا تطبگ جفنها
اشلون ما ساعد العاش ابإذني وَنها
اتصيح (ماني الوالده المذبوح إبنها) !
الزچِيّه بَعَدها .. تنوح لْوَلدها
توِن اْو لطُمها .. يصير اعْله خَدها
نذرٌ عليَّه ونيني فلا يبْرَد
او ثوب الچِفَن لو متِت , ثوبي الأسْوَد
اْو ما دامه بيَّه النَفَس ينزِل اْو يصعَد
أنعه اوْيه أمَّك ..

 

تعليقات

لإرسال تعليق یجب أن تسجل في الموقع

لطميات

more_horiz

مقالات المرتبطة

آخر الصوتيات المضافة

آخر المرئيات المضافة

  • 2.00x
  • 1.50x
  • 1.00x
  • 0.75x