لطمية وداع ضياع مكتوبة
الرادود محمد الجنامي
وداع ضياع
باچر اضيع بغربتي
بچيت واجيت
محنيه لوداع اخوتي
بخيمتي وحسين اجاني وتچه ظهره اعله العمد
شفت دمعاته اعله شيبه باسني براسي وگعد
گال اخر ليله يمچ ما تشوفيني بعد
گومي ودعيني يخيتي گالها وگلبي انمرد
اصيح واطيح
والطم بديه جبهتي
التويت واجيت
محنيه لوداع اخوتي
اغله انسان بحياتي گال عنچ راح اروح
اثنينه سكته بچينه روح وتودعلها روح
ودعت كلشي احبه وعشت دنيه من الجروح
النوح ريته يردلي غالي سنيني گلها اكضيها نوح
الحبيب يغيب
ويتركني انه ودمعتي
شكيت واجيت
محنيه لوداع اخوتي
والتفت وشفت رمله حاطه حنه وشمع
عدها عريس شحلاته وحانيه اعليه الضلع
اتگله يُمه الليله زفتك ليش ماخذني الدمع
اتدنه خليني اشمن عطرك الما ينشبع
زفاف واخاف
تطفه يجاسم شمعتي
انحنيت واجيت
محنيه لوداع اخوتي
هناك خيمه بيها ليله وبيها دمعتها اتهلي
اتگله يالعشرين عمرك ليش ما مقسوم الي
اوگف بطولك اگبالي يا بعد عمري وهلي
ينگطع سباح گلبي لو عفتني يا علي
تروح وانوح
بعدك اظل كل دنيتي
انتهيت واجيت
محنيه لوداع اخوتي
والكسر گلبي وهظمني ياخلگ حال الرباب
اتحاچي عبد الله وتگله تعبي رايح للتراب
حسبت تكبر ييُمه وهم اگولن عندي شاب
حرمله باچر يذبحك والحلم يصبح سراب
رضيع تضيع
يا ريت گبلك ذبحتي
اشتكيت واجيت
محنيه لوداع اخوتي
بخيمتي آنه ودمعتي وطب عَلي راعي العلم
گتله يا عباس باچر ما اشوفك بالخيم ؟
حطني بعيونك يخويه لا يطفيها السهم
يطيح معصب راسي لو راسك بعامود انهشم
ابن ابوي يخوي
باچر هزيله ناگتي
انسبيت واجيت
محنيه لوداع اخوتي
play_arrow
play_arrow
play_arrow
play_arrow
play_arrow
play_arrow
تعليقات