لطمية ضاع عمري مكتوبة
الرادود محمد الجنامي
حبيبي حبيبي علي اتدري لقد ضاع عمري
حبيبي حبيبي بُني ضاقَ صدري بكَ الموت يسري
علي يا انفاس روحي وياحياتي وياهلي
علي يبني انته تدري شگد احب كلمة علي
انته مو بس ابني احسبك كلشي معتبرك الي
وگلبي البوجهك ترسته من تروح ايظل خلي
إليَّ إليَّ لِأَشكوكَ أمري فقد خان دهري
إليَّ إليَّ أُنادي بقهري بكَ الموت يسري
وين ماينجاب ذكرك ياعلي گالوا كفو
شرد اگولن من اوصفك وجهك وطبعك حلو
انته مرّه تصير صاحب مرّه يوليدي اخو
وما ابالغ لون گتلك حتى اشوفنّك ابو
أراكا أراكا كعبّاسِ ذُخري عموداً لظهري
أراكا أراكا معيناً بضُـرّي بكَ الموتُ يسري
من جمالك كلها تسأل بشر انته لو مَلك
شما اشتاگ الوجه جدّي ياعلي انظر الك
بداخلي عايش احسّك وآنه اعيش بداخلك
مدري انته الدلّلتني مدري آنه أمدلّلك
بجنبي بجنبي إذا حلَّ عُسري تكُن انتَ يُسري
بجنبي بجنبي لماذا بكسري بكَ الموت يسري
مثل ما عطشان انته الك عطشان الگلب
ومو دمع صب اعله خدّي عمري گطرات ويصب
بسمي من ناديت بويه تيّهت وين الدرب
جيتك اركض مرّه اعثر مرّه انام اعله الترب
تُنادي تُنادي أبا السيفُ يُبري بگبدي ويفري
تُنادي تُنادي وأُعطيك عُذري بكَ الموت يسري
جروح كلّك ردت احظنك خفت يبني تنلچم
ما ألم جسمك يالأكبر آنه بسنيني ألم
وصله وصله بيك اشيلن ياعلي عندك علم
شلت وصله لنها گلبي طايح بنحرك يشم
فؤادي فؤادي كما النحرِ يجري دماءً كجمرِ
فؤادي فؤادي سيُرمى بشمرِ بكَ الموت يسري
يل رحت عنّي وعفتني بالطفوف المظلمه
اخذ يوليدي سلامي وصله لأمي فاطمه
گلها ابوي انهدم حيله ونزلت دموعه دمه
وصار ظهره مثل ضلعچ وايده عالخد لاطمه
قريباً قريباً يحزّون نحري يدوسون صدري
قريباً قريباً ترى عُظمَ خطري بكَ الموت يسري
play_arrow
play_arrow
play_arrow
play_arrow
play_arrow
play_arrow
تعليقات