لطمية لا يجينه العيد مكتوبة

 

الرادود محمد الجنامي

 

 

لا يجينه العيد سدوا بابنه
جاينه المن واحنه ماكو اعزازنه
عيد المفارگ عليكم خل يگول
عيد المبارك مشه ويه احبابنه
الهسه من ذاري لحدهم تراب بينه بكل كتر
وهذا ياعيد المبارك والعزيز بنص گبر
اخ يالوعة اهلنه عالمنازل من امر
مو دمع تبقى اعله عيني صورهم الحلوة تخر
بالچفن لفو سوالف دافيه
وهالو التربان فوگ العافية
يمته يلفي الموت ولحيدر اروح
وغاد نتباچه سوه اعله مصابنه
حگي اعمه من البواچي وباللطم صدري انخسف
يصير حدر الگاع راسه وهو الي براسه انحلف
عاتبيت الدنيه حد ما ريج المعاتب نشف
وعيدي اذا راعي المحنه يرجعه الي تراب النجف
الناس عدها الدنيه كلش غاليه
وانه اشوفنها بغيابك خاليه
هي مدري شمالهه ويانه السنين
شماحسبناهه تغير حسابنه
بعيني بالطيف من اشوفه ودي اشرب ضحكته
والنفس من ريتي افرغه وبيهه المن ريحته
وانچفي گباله ليالي چوت گلبي بفرگته
ويگضي حلمه وما الحگ حتى ابوسن هامته
عيد الدموع اعله ناسي الماشيه
وزينب بكل عام تصبح باچيه
الغربة تفهمهه لمن تفكد حنين
والارواح تروح وي غيابنه
بويه چنت الا اعله متنك راسي احطه من اشتكي
وهسه كل شوغه بغيابك لازم اوگع وانتچي
شما كتم حزنه المفارگ يطلع بدمعه الحچي
ومن يضم شوگه لحبيبه يگوله للناس البچي
بين شيبه وشيبه طلعت شيبه
الگاع تاخذ ليش وين الهيبة
وكون ينباع بعمر عمر العزيز
صحنه چا عالموت هاك اعمارنه
دمع المضيع يحيدر بيه سوالف تنسمع
وخاف گلبه بحسره يوگع چاتف گليبه بضلع
عمره ما يشبهله واحد بس عمر خيط الشمع
ارضى تگطع كل هوى الله ولا صورك تنگطع
مو العيد مبارك ايگلونله
الدافن الخلان خل ينعون له
اليركز بينه يقرانه ونين
وحزن مبني اعله اليواچي اعرابنه

تعليقات

لإرسال تعليق یجب أن تسجل في الموقع

لطميات

more_horiz

مقالات المرتبطة

آخر الصوتيات المضافة

آخر المرئيات المضافة

  • 2.00x
  • 1.50x
  • 1.00x
  • 0.75x