لطمية يحسين اخبرك مكتوبة

 

الرادود محمد الجنامي

 

ي حسين اخبرك
من طحت ع الغبره
زينب مشت چتالك يباريها
 
يحسين ارد الچم
إجروحك من غصبن عليه
بعتبي وأروي چبدك بماي
العين وأبديلك شچيه
وأدري السهم جاسم
دليلك نصين يا روح الزچيه
فجرت عيني من طحت ع الغبره
وال ماذي چبدك
چبدتي ماذيها
من طحت ع الغبره
يحسين ادري بالمثلث
ماذيك سم جراح سمه
والعتب امضى إمن السهم
يمضي بيك لحد يبو اليمه
وأصعب ٱمن إصواب الحجر
عتبي إعليك ما ينحمل همه
جمرة إعتابي من طحت ع الغبره بگلبي ترى
من يطفيها
من طحت ع الغبره
جمرات عتبي لو خفاهن
گلبي ينچبد يتمرمر
يحترگ من دم الحماسه
ال يدبي يذبل ويتغير
يحسين إخذ حال الحرم
من عتبي وإنت بيهن اخبر
هيجت ناري من طحت ع الغبره
وعتبي يخبرك
بالحرم سابيها
من طحت ع الغبره
يحسين بس عينك
غفت ع التربان للي فاگداتك
لا ظل خدر لا ظل حمه
لا صيوان يحمي امخدراتك
يحسين ردتك حاضر
اب هالوديان وتشاهد خواتك
وأتغير الحال من طحت ع الغبره
وحالتها لأملاك
السما اتبچيها
من طحت ع الغبره
يحسين إخذ عتبي ويخبرك
بالصار ابحال الفاطميه
شوف الضرب شوف النهب
شوف النار بأرض الغاضريه
وإتصيح زينب ي التحامون
الجار يرجال الحميه
تنخى وتنادي من طحت ع الغبره
هاشم ولا ظل
هاشمي إيحاميها
من طحت ع الغبره
يحسين إخذ من عتبي حال
اعيالك واتمثل اخباره
وشفرة إعتابي تجرح
ابدلالك وإتمرد اثماره
والخيل تدري اش رضت إمن اطفالك من شنت الغاره
الرضت اضلوعك من طحت عالغبره
مثلك غدت
بالحافر إترض بيها
من طحت ع الغبره

تعليقات

لإرسال تعليق یجب أن تسجل في الموقع

لطميات

more_horiz

مقالات المرتبطة

آخر الصوتيات المضافة

آخر المرئيات المضافة

  • 2.00x
  • 1.50x
  • 1.00x
  • 0.75x