لطمية  للحزن مخلوق گلبچ  مكتوبة

 

الرادود محمد الجنامي

 

 

للحــزن مخـلـوق گلـبچ .. آه يا زينب
ابيا صبر تطوين دربچ .. آه يا زينب
اشجابچ علىٰ درب السبي
يـــمِّ العَــفــاف الــزيـنـبـي
ياللي چانت شوفتچ حسره اعله لعيون
يا رزانة فاطمه الگطعت بلظعون
كل حجَر مرِّيتي يمّه يسأل اشلون ؟
من مشيتي ما تزلزل حدرچ الكون ؟
و اللي نهبوا سترچ او حرگوها لخدور
اشلون ما مرَّت عليهم نفخة الصُّور
اشلون ما قامت قَيامه .. الله بس يعلم
و اعله متنچ چم علامه .. الله بس يعلم
صبرچ يكفّي چم نبي ؟!
يـمِّ العَــفـاف الزيـنبـي
يمن مثلچ بالخدر ما يحصل اثنين
إنتي وين او رِفجة ارجال او غُرب وين
لو أسولف عن عفافچ أبتدي امنين
زينب او ما يعْرِفچ غير الله و احسين
او من عگب ذيچ المعزّة و المهابه
اشصار تاليها او تباتين ابخرابه ؟
ياللي ما نِعقَل مقامِچ .. هاي تاليها ؟
عالترب يصبَـح منامِچ .. هاي تاليها ؟
او بيدچ تفرشين العِبي
يـمِّ العَــفـاف الزيـنبـي
الناگه ذيچ الچنتي تمشين ابظهرها
اشلون ما ماتت يزينب من قهرها ؟
او عجبه عين الشمس ما غضّت بصرها
و اهيه شافت طولچ ايمرّ ابكترها
و إعله بن آدم أبد ما مرَّت ابّال
بِت علي توگف أسيره ابمجلس ارجال
ابهالـزمن معقـول كلشي .. او هاي ما ترهم
زينب اويه الشمر تمشي .. هاي ما ترهم
عجبه يشوفچ أجنبي
يـمِّ العَفاف الزيـنبي
ماكو مثلچ بالستر يا بِت الاطياب
حتّه و انتي ابّين اخوتچ لابسه احجاب
ياللي عمرچ ما عبرتي عَتبة الباب
اشلون مشّاچ الدهر تالي اويه الاجناب
او ظلّچ الما مرّه بيّن طوله عالگاع
بان تالي و الخدر عگب الگمر ضاع
والگمر مــنِّ الشريعه .. يوصلچ صوته
اينادي عذرا ًيالوديعه .. يوصلچ صوته
أدري إجيتي ابشاربي
يـمِّ العَـفـاف الزيـنبـي

تعليقات

لإرسال تعليق یجب أن تسجل في الموقع

لطميات

more_horiz

مقالات المرتبطة

آخر الصوتيات المضافة

آخر المرئيات المضافة

  • 2.00x
  • 1.50x
  • 1.00x
  • 0.75x