لطمية يابو العليله مكتوبة

 

الرادود محمد الجنامي

 

 

يالماخذ اوياك الهوى
عايف عليله ابلا دوى
يابو العليله
ظليت عيني ابلا ضوى
 
عودي امن الفراگ التوى
يابو العليله
 
احچيلك وكلي الم
وبگلبي احس مثل السهم
نظرات الوداع
رايح اوعايفلي البچي
 
وأسمع من اجروحي الحچي
ضاع العمر ضاع
حملت ظعنك وآنه حملتني
 
بجروحي وبلايه دوى عفتني
يالماخذتني فرگتك خذتني
من ودعتني
بوجهك ملامح واضحه
و أعليه عينك شابحه
دمعك تسيله
 
من گتلك الجيه اشوكت
ياوالدي ليش اسكتت
دمعك تسيله
 
فاطمه يابو فاطمه
للهم صفت مستسلمه
كل لحظه تشتاگ
 
التفگد ابو ماعايشه
بديارها ومستاحشه
يذبحها الفراگ
 
عندك عزيزه وغاليه وحبيبه
تتركها مكسورة گلب عجيبه
ذاك الدلال الرايح اشيجيبه
بنتك غريبه
من گد مسافات الدرب
ياوالدي اجروح الگلب
كلش طويله
 
مخنوگه واتنفس تعب
والحسره من تطلع عتب
كلش طويله
 
معلوم اليصيبه المرض
اهلها يدوروله عوض
يمه يظلون
 
آنه بمرض ياوالدي
چا ليش اظل الوحدي
وعني تروحون
آنه عليله وانترك وحيده
 
وانوخذ مني چم عزيز اريده
إيباريني نوحي وونتي الشديده
اجروحي عنيده
لا اخو اليمي ولا اخت
اتوجه ع الهم لو گمت
وحدي ونحيله
 
چني صرت مو غاليه
حايره ابداري الخاليه
وحدي ونحيله
اكتب رسايل بالدمع
 
سبّاح گلبي منگطع
ارجع يسبّاح
مكتوبي لو يمك وصل
 
جاوبني شخبار الاهل
طمّني مرتاح
 
لو حركك شوگ الگلب عليه
احضن بدالي الغاليه رقيه
عبدالله اخوي ابنحره شمه ليه
هاي الوصيه
سولف العمي حالتي
وانه اوصيه ابعمتي
الحره العقيله
 
صح هو گال ابشاربي
بس خايفه تروح بسبي
الحره العقيله

 

تعليقات

لإرسال تعليق یجب أن تسجل في الموقع

لطميات

more_horiz

مقالات المرتبطة

آخر الصوتيات المضافة

آخر المرئيات المضافة

  • 2.00x
  • 1.50x
  • 1.00x
  • 0.75x