لطمية ولي النعمة مكتوبة

 

الرادود محمد الجنامي

 


موتي وحياتي ودنيتي
 
مرهونه بعتابك
ضيعني من كل البشر
دليني بس بابك
خليني دوم ابخدمتك
بعيوني شايل صورتك
يحسين يحسين
 
شايلي خلگك سيدي
اي والله هنيالي
ابالك صرت وانت اسكنت
يابوعلي ابالي
ناطيني قيمه ابهالعمر
من غيرت حالي
حالي إلك شمعة سهر
تضوي ابهوى العالي
عمري صاير شمعتي
روحي اتذوب ابدمعتي
لجلك ناري وحسرتي
يحسين يحسين
لمن عرفتك سيدي
آنه اعرفت الأحساس
اقرب صديق اقرب وفي
انت الاهل والناس
من فدوه اروح الهيبتك
بعيوني شايل صورتك
يحسين يحسين
 
ظلمه العمر لو ما چنت
انت ضوى ايامي
حققلي حلم ازيارتك
و آنه أنسه احلامي
يمك مثل ضحكة طفل
من تلمح آلامي
امشيلك گلبي الك
يسبگهن اجدامي
انظر صورة مرقدك
چنك واكف وحدّك
ابحزنك الله ايساعدك
يحسين يحسين
احضن جمر حزنك إذا
يحسين اشوف الماي
معنى القليل ابحضرتك
يعني كرم دنياي
وآنه العشت من نعمتك
بعيوني شايل صورتك
يحسين يحسين
 
شرط العشگ بين البشر
مو مذهب و أديان
الحب إذا من كل گلب
يصنع صدگ انسان
ياسيدي وطفّك صنع
ارواح مو ابدان
ارواح حره وللعرش
تنطي النحر قربان
دمك راسم للبشر
لوحه التضحية نحر
حريه اوذاك الأثر
يحسين يحسين
جاك السهم رايد حضن
و إنت افتحت باعك
كل ثوره لو رادت نصر
تتبع أثر گاعك
ي اللي اوگفت من طيحتك
بعيوني شايل صورتك
يحسين يحسين
 
اخيال وأضيع ابظلمتي
لو ما ضوى اعيونك
اعطش إلك وأشرب عشگ
ويه اليعطشونك
لمصيبة الحره اصبحت
هذا آنه مجنونك
يالعودتني إعله الدمع
ما اسلك ابدونك
انساك يعني اصبح حجر
اهواك حد گطع النحر
وياك متهمني البشر
يحسين يحسين
خليني دوم استشعرك
مثل الألم بالروح
تمثالك ابنص الگلب
واگف لچن مذبوح
وآنه اللي ديني اقرايتك
بعيوني شايل صورتك
يحسين يحسين

تعليقات

لإرسال تعليق یجب أن تسجل في الموقع

لطميات

more_horiz

مقالات المرتبطة

آخر الصوتيات المضافة

آخر المرئيات المضافة

  • 2.00x
  • 1.50x
  • 1.00x
  • 0.75x