لطمية آخر خيمه مكتوبة

الرادود محمد الجنامي

 

 

آخر خيمه اتحاچي التل
آنه ابنار وأنت الحل
اسمع صوتي البي دخان
يااول منبر احزان للمقتل
ياتل النوح احچاياتي اجروح
آنه الخيمه التسمه احجاب الگاع
وديت الصوت بي ريحة موت
بيني وبينك يعثر دخان اوداع
احسب لحظات والخيمات
تچويك ابجمرهن
وذني الخطوات مو خطوات
لوتحسب اثرهن
ياتل الآه مية عام
عد زينب عمرهن
ابخطوات الخوف تعثر بالشوف
من تطلع اخت العباس
وصي اترابك يعمي الناس
ناعيّك يصعد عطشان
يااول منبر احزان للمقتل
خيمه ابنص نار حگي من احتار
مولاتي ابظلها التاريخ اتحجب
ياتل وخاف زينب تنشاف
وتدري مو للشوف انخلقت زينب
بت حيدر هاي وارد اوصيك
دنگ لو شفتها
ماعدها اخيام وين اتروح
ياتل لو عفتها
صح انت اتراب بس خلاك
حل الها وكتها
كله من الماي وصلها الهاي
طلعة زينب طلعة روح
مقتل ثاني وكله اجروح
اتاذن بإسم حسين آذان
يااول منبر احزان للمقتل
ياتل وأم عون عنها يگولون
الصوت اتغطيه خاف الريح يسمعها
شلون من اتصيح وفوگاك اطّيح
وطولك ياتل يتوضى ابمدمعها
فوگك قرآن من يصعد اخشعله وتصدع
يبن امي اتصيح الحگلي ترى گلبي تگطع
حسين اعله اتراب يزحفلك اذا للنخوه يسمع
وصوت الوداه يازينب اه
اصعب موقف عند حسين
صيحة زينب طايح وين
ياتل سماك الصيوان
يااول منبر احزان للمقتل
ياتل تنقاس بجرح العباس
يفز سهم العين من يسمع صوت اخته
الماعنده اچفوف بس روحه اطّوف
ويم زينب چان يتعذر بس سكته
رايه عباس تتمنى خيم تتفصللها
وانت امن اتراب بس خليت ظل يبين الها
يمبچي حسين واخت حسين وامبچي الكفلها
اخر كلمات من الخيمات
احچيها ابگلبي المحروگ
باچر زينب تصعد نوگ
واتشوفك گبل الديوان
يااول منبر احزان للمقتل

تعليقات

لإرسال تعليق یجب أن تسجل في الموقع

لطميات

more_horiz

مقالات المرتبطة

آخر الصوتيات المضافة

آخر المرئيات المضافة

  • 2.00x
  • 1.50x
  • 1.00x
  • 0.75x