Tue20210420


ظلم كسر ضلع

باسم الكربلائي

باسم الكربلائي
لطميات
إجعل هذا الفيدیو في موقعك
128 × 72
240 × 135
480 × 270
640 × 360
عرف
:طول
px
:عرض
px
ظلم كسر ضلع - باسم الكربلائي
تاريخ الاضافة
2021-01-30
المشاهدة
71
المدة
00:00:00
عدد التحميلات
33

نص هذا المقطع

القصيدة : ظلم كسر ضلع
الشاعر : حمزة السماوي

الرادود : الحاج ملا باسم الكربلائي
المناسبة : ليلة 3 جمادى الآخرة 1442
المكان : حسينية و هيئة الصديقة الطاهرة س
الديوانية - قضاء حمزة الشرقي

 

ظُلم كسُر ضلع وراثة عدكم الدمع
نسولف وحده وحده اليوم مُمكن
طفل سئل طفل مدينه وكربله وقتل
شفت عبد الله عنده اجروح محسن
******
ملائكة الصبر لقاء امن العمر جمعهم
معانيهم ضمه عله امهم فاطمه دمعهم
شفت كعدو سوه هوه يشتم هوه وضعهم
جنين بلا ظهر رضيع بلا نحر وجعهم
الم حضن الم لقاء العصره والسهم
عليهه عيون تعمه وروحنه تون
ورد دمع يهل بفصول الاربعه فصل
الربيع وصار اسمه اجروح محسن
******
بده المحسن يون يسولف بالحزن منيه
يعبد الله عشت يعبد الله متت سويه
اهز جذع الرطب تساقط بس حطب عليه
قبل لا انعصر اكو جوية جمر بديه
تره جنت احس بحراره اتصفّن الشمس
غطه گلب امي اليه بروح يحضن
واحس جنت ضمه لان عطشانه فاطمه
وتنادي كلهه بيه اجروح محسن
******
وره باب الستر الوحي ضل يحتضر تشّهد
سقطت من الالم وسمعته من شتم محمد
ينادي قاتلي غزوا بيتك علي منو هد
ضحك شاف الدمه وخزرهه فاطمه تعمد
بعد الي رجع سحكني برجله من طلع
شعجب ما سلبونه اهناك اصفن
حقد عمه غضب بريئة منهم العرب
صار الباب لونه اجروح محسن
******
انه ميّت طحت وابد ما لحكت انازع
جهه وحده الحرب وعلي صاحو غصب يبايع
بوصيته ما فزع علي امفرع طلع اباوع
وتكوم امي وتكع وعلى خدهه انطبع اصابع
اجت بقت تون شفتهه وازرك الجفن
بذاني السطره لسّه صوتهه ايرن
يتم قهر حزن انكسرنه كسرة الغصن
محمد شاف نفسه اجروح محسن
******
رضيع اهل الخيم يجاوب بالالم حكايه
تمنيتك عشت يعم محسن شفت رزايه
وصلنه لنينوه نبي ودين ولوه وعبايه
ورجعنه للسمه بچي ونار وضمه وسبايه
جرح على الجرح النضيعه انشوفه عالرمح
سوه كلنه نزفنه روس ونحن
تره الك ذكر ابوي بلا اخو انكسر
بجرح عباس شفنه اجروح محسن
******
علينه الله يحن ونموت احنه بحضن رحمته
شسولفلك يعم اجه بنحري السهم حضنته
يعمي ومن متت اعله ابوي اتالمت تركته
زغيره ركبتي جبيره ذبحتي جرحته
بچه الي دمع بكثر ما باچي عالضلع
اخذني بخيمه سكته وصار يدفن
يضل بلا عمر اليموت اوليده بالزغر
وينادي بويه انته اجروح محسن
******
بوسط هذا الحچي اكو نبرة بچي تجيهم
ابو صالح طلع قريب وهم سمع حجيهم
يواعدهم وعد يطالب للابد عليهم
بعد ماكو الم بدي شفته لزم اديهم
شفت سوه مشوا زيارة لكربله اعتنوا
وقره المهدي اليريده بصوت يحزن
الم سبي حرم ومكاني خالي بالخيم
واضاف اعله القصيدة اجروح محسن

المرسل: الخميس, 04 شباط/فبراير 2021