لطمية سلام مكتوبة

 

الرادود باسم الكربلائي

 

 

من مأتمچ..سلام
من خادمچ..سلام
عله الضلع..عله الضلع..عله الضلع..سلام
 
اصدق مراسيل المشاعر دمعة العين
ودموعي تهتفلج سلاماً يم الحسين
ادري ابجروحج واليهضمج والالم وين
اعليج امن اسلم يالزجيه ابتدي منين
عله المتن..سلام
عله الجفن..سلام
والدمعتج..والدمعتج..والدمعتج..سلام
 
يافاطمه ادموعج وسافه وحسره واعتاب
اكبر جرح جرح الشماته وجرح الاصحاب
بس الذهب لازم يكرهه احساس التراب
مثل اليعيش اويه الحمامه ايكرهه الغراب
يبچي العرش..سلام
بثمنطعش..سلام
عمر الورد..عمر الورد..عمر الورد..سلام
كل عثره لجدامج يزهره اسم الله تنگال
 
كل فضه وينچ سنديني يفزع اهْلال
كل اخ من جرّه انفاسج تمر عله البال
بس الله يعلم جان حيدر حاله ياحال
نبض القلب..سلام
الحاله الصعب..سلام
والمحسنج..والمحسنج..والمحسنج..سلام
 
اليجمَع حَطب والْـ يشِب نَاره ابْلايه وجدان
ابْبَاب النَبي مَعقُوله هَذا انْحسبه انسَـــان
اليضْرُب مَره ويكتِل طفِلها انحسبَه شيطان
حگ نِلعن اصحَاب السقيفه ونِلعن افلان
شيب الصبح..سلام
نَزفِ الجرح..سلام
لِاخر نفس..لاخر نفس..لاخر نفس..سلام
 
دمعة علي اتفرفح ابْعينه وتذكر الصَارْ
يِطفه ويشِب لمَّن يعاين عَتبةِ الـــدارْ
كِلمة وإِن جَمرتْهَا اكبَر مِن حچِي النَارْ
كِلما سِكت يرجع يلچمه ابْضلعه بِسْمَارْ
شُوگ المُحِب..سلام
مِن ينكتِب..سلام
هَذَا الحزِن..هَذَا الحزِن..هَذَا الحزِن..سلام
 
عالنَجمه اسئلِج يالوِديعة شلُون تِنلاح؟!
يَمّ الحَسن وتجاوبيني وگلبِي يِرتَــاح
لَمَّن سِمع بالخَبر حَيدر وُگف لُو طَاح؟!
مِن صِحتي ياحيدر اغثنِي چا عَلي اشصاح؟!
دَمعه انطفت..سلام
حيدر سِكت..سلام
لَجلِ النبي..لَجلِ النبي..لَجلِ النبي..سلام
 
يافاطمه وانتِي الحَنِينه ابْحالِچ اشْلون؟
لمَّن تِصدِّين اعلَه وِلدچ سَكتَه يبچون
مِن زِينب اتگلِّچ اشبِيهن حَمره العِيون؟
مَولاتي واشجَاوبتي مِن صدِّيتي المتُون؟!
مَرّ عالفِكر..سلام
لامّ الخدِر..سلام
دَمعِ اليُسر..دَمعِ اليُسر..دَمعِ اليُسر..سلام

تعليقات

لإرسال تعليق یجب أن تسجل في الموقع

لطميات

more_horiz

مقالات المرتبطة

آخر الصوتيات المضافة

آخر المرئيات المضافة

  • 2.00x
  • 1.50x
  • 1.00x
  • 0.75x