يازينب اترجعيلي امنيتي

القصيدة : يا زينب اترجعيلي
الشاعر : سجاد علاء المحمداوي

الرادود : الحاج ملا باسم الکربلائی
المکان : حسينية ام الحسن /الفاو
الزمان : ليلة ٢٢ محرم ١٤٤١ هجري

يازينب إترِجعِيلِي أُمنِيتِي
أَنتَظرِچ إبيُوم أَربَعِينِتِي
******
لأجلِچ يخُوية إشتاگ دَلالي
يا غالِيَة اُو يِنتَظرِچ اِلغالي
رايِد رَجِعتِچ إنتِي و إعيالي
وإبهذا سَبّيِچ گَلبِي أَذِيتِي
******
إحساسِي يَمِچ حايِر إحساسِي
ماعافِچ إبهذا اِليِسُر راسِي
إنتِي العَقِيلَة اِلـ بِيچ نُوماسِي
ضَحِيت رُوحي و إنتِي ضَحِيتِي
******
إلراحَة أَبَد ما شافَت إعيُونچ
مِن اِلسِياط إشصار بِـ إمتُونِچ
صار إشكثُر ما گِتلِچ إشلُونچ
تانِيت جَيّتِچ وإنتي تانِـيتِي
******
طَمّنِينِي عَن إعيالِي طَمّنِينِي
إِشافَوا مُصايِب مِن غُفَت عِينِي
إشلون اِلحَرايِر يَختِي حاچِينِي
يالحايِرَة إبفَرگاي ضَلِيتِي
******
إبدُوني اِلليالي إشلُون جِبتِيهَة
و إشچَم مُصِيبَة إخلافِي شِفتِيهَة
يامَّن مِشِيتِي اِلما مِشِيـتِـيهَة
كِل هالليالي إشلُون گَضِيتِي
******
ضَعنِچ وِصَلنِي اُو شِفتِچ اِلراية
والله اُو مَراحُب بأغلـة مَشاية
و إِعيالِي مِشتاگِلهُم إهواية
رَدِيتِي رُوحِي إبيُوم رَدِيتِي
******
إنتي اُو عِيالي بالسُؤال أَولَة
شُو لا رُقية اُوياچ لا خَوّلَة
چا ما إجَوا وياچ عالهَزلَة
ليش الجواب إعلية ضَمِيتي
******
ضَعنِي بَلاهِن بِي نَقُص ضَعني
بالغُـربـة ماتَن والله يا حِزني
هذا اِلصُـواب إصواب چَمَلنِي
و إبَعّلَبَك والشام عافِيتي