لطمية ملتقانه  مكتوبة

 

الرادود قحطان البدیري

 

 

یمفارگ الحبیب .. باب الفرج قریب
قریباً ملتقانه بکربلاء
هالسنه ماکو شعائر ناس گالتها اشکثر
و بالعکس شفنه بمحرم کلشي یلطم عالصدر
الله مایرضه یعالم سکته عاشوره یمر
رکضة طویریج شاهد عبرت اخطوط الحمر
من کربلا الحیاة و بکربلا الممات
انولدنه بهالعقیده و الولاء
قریباً ملتقانه بکربلاء
 
وگفت الدنیا بکبرها و انکسر میل الزمن
انسدت الأبواب کلها و ما انسد باب الصحن
یالله یالمشّاي حضّر رایتك من کل وطن
گبل ما ننصب مواکب فتح دیوانه الحسن
و برحمته الذبیح یجمعنه بالضریح
و انقیم بحضرته هذا العزاء
قریباً ملتقانه بکربلاء
 
حسین هم یشتاگ النه مثل ما نشتاگ اله
سید و من طیب گلبه ایحسب زواره هله
صوت یا أهلاً وسهلاً من مناراته اعتله
أیّها الناس استعدوا تنتظرکم کربلا
مکتوبه عالمزار نحنُ بالانتظار
البُعد لازم نهایاته اللقاء
قریباً ملتقانه بکربلاء
 
احنه نحچي ابمعتقدنه الیفتهم مقصدنه وین
هاي شدتنه الچبیره ما یحلها الّا الحُسین
اتموت هاي الگاع اذا ماکو زیارة أربعین
کربلا الجنه ادخلوها بسلامٍ آمنین
و بنظرة الکفیل مایبقی مستحیل
بضریحه العافیه راعي اللواء
قریباً ملتقانه بکربلاء
 
مرحبا و حیاهم الله ایصیح من هسه الگلب
من البصره لکربلا ابیا هله مفروش الدرب
العدد في مرتین لازم هالسنه لصحنه یطب
فشله ما نتلگه زینب جایه من دیرة غرب
مهما الزمن یدور للطف نجي و نزور
اویه زینب لازم انقیم العزاء
قریباً ملتقانه بکربلاء

تعليقات

لإرسال تعليق یجب أن تسجل في الموقع

لطميات

more_horiz

مقالات المرتبطة

آخر الصوتيات المضافة

آخر المرئيات المضافة

  • 2.00x
  • 1.50x
  • 1.00x
  • 0.75x