لطمية مهدك  مكتوبة

 

الرادود قحطان البدیري

 
 
مهدك شو فرغ یولیدي شتگول
أرید أسهر بعد و أشبع دللول
ابسهم عطشان فطموك
ماظل حتی کاروك
چنت أغزل اگماطك و آنه فوگ النوگ
ما أدري المنیه اگماط الك تغزل
بحضیني چنت و أشتاگلك و أبچیك
و اتبلل اریاگك دمعتي التنزل
علی طول الدرب چانت سوالف عین
لاتعطش گلتلك مایهُم یکتل
أغمّض و انت نایم فوگ الچتوف
و أفز مرعوبه چن اولیدي مخطوف
و أضمّك خاف یلگوك
ماظل حتی کاروك
نصّبنه الخیم و الجود ینگط ماي
و امتانین کلنا ینّصب مهدك
کلها اتصیح یمي و آنه گلبي ایطیر
چن بس انت الیّه و غیري ماعندك
تالیها و صفن کلهن حطب للنار
و دمعه انت و طحت للعین شیردّك
ألِم ارماد أدوّر ریحتك بیه
و أرکض و الرمل یچویني و أچویه
یالما باچي بچّوك
ماظل حتی کاروك
تدرون ابعطش عبدالله من یا لون
ما فطّر اشفافه فطّر اجفونه
و أحسّن بیه و أخافن ما أگل لحسین
خافن یاخذ اولیدي و یذبحونه
خذاك و رمح وحشي اتلولح امن ابعید
مدري ابیا اصیاح انصیح خلّونه
صرت بحضن زینب نار و اجروح
گلتلها أرد أشمّه اتگلي مذبوح
اعله شربة ماي ذبحوك
ماظل حتی کاروك
بخیمة عمتك یالولد گبرك صار
و رقیّه اویه الدموع اتراب گام اتهل
وره حرگ الخیم گطعوا لأهلنه انحور
تالي انّبش گبرك خذوا مني الخِل
تخیّل حالتي و فوگ الرماح الرووس
و أصیح بصوت خرسه الطفل ما یحمل
طیر انت و رمحهم حاد سنّین
اذا لامس رگبتك تصبح اثنین
ما لحّگت أرسم ذکریات اویاك
ابساع ابساع رحت و صار تودیعك
أشم اچفوف ادیّه امسودنه ابلیاك
لهسه أشتم عطر بیها امن أصابیعك
زغیر اهواي بس انت چبیر اهواي
غیر احسین أبوك و کونها ایطیعك
چنت امتانیه أسمع احچایه
یمه اتصیحلي و منّك اکفایه
تره الحرموني حرموك
ماظل حتی کاروك

تعليقات

لإرسال تعليق یجب أن تسجل في الموقع

لطميات

more_horiz

مقالات المرتبطة

آخر الصوتيات المضافة

آخر المرئيات المضافة

  • 2.00x
  • 1.50x
  • 1.00x
  • 0.75x