لطمية ظهر الحسين مكتوبة

 

الرادود قحطان البدیري

 

 
 
کسرنه ظَهر الحسین
چبیره احچایة الناس
عساها ابذمّة الماي
أخذ من عندي عبّــاس
بعد یا عین التنام
تبدّه افیاي الخیام
بعد ماعندي خوّان
 
أگوم و طولي یوگع
أودعه بخطوه و أرجع
یهلبت بي نفس و ایگوم ویّاي
چبیر الغیره طایح
أخوي المني رایح
انطبع چفي اعله خاصرتي یدنیاي
صحت یحزام ظهري البیك اشد حیلي
انحنیت اگبالهم منهو الیتچیلي
دسولفلي یبعد حسین و احچیلي
اهد ابیا ضوه لمّن یچل لیلي
گلتله اشیوجعك گال
اشیوصلك یم خیمنه
اخاف اتموت یحسین
وراك اتظل حرمنه
الوکت ما أعرف اشضام
تبدّه افیاي الخیام
بعد ماعندي خوّان
 
الطاحن موش چفین
هذني اعیوني الثنین
و عثرت بدرب کله اعیون شمات
اعله وجهي طحت مرتین
گمت ماچني الحسین
تره الرایحله أخو یگضیها طیحات
ضواي اعله النهر ماحسّبت یطفه
الاخو مطروح و آنه بعازة الوگفه
أمد چفي اله شو مایمد چفه
ادیه اترد خلیه اگبالهم کلفه
شبگته و چان عبّــاس
یضم بشیبي الدموع
تبدّت عِشرة اسنین
و حنیت اعلیها الضلوع
و لا شالتني الاجدام
تبدّه افیاي الخیام
بعد ماعندي خوّان
 
سهم بالعین شفته
صحت آخ و لچمته
متت و اتنفّس افراگه لگوني
بچیت لغربتي جروح
و قریت بصوت مبحوح
عله العبّــاس اعمن یا عیوني
شني ظلتهن و شیشوفن بدونك
الاخو لو راح حیره من یسألونك
تکسر ظهري صارت کلمة اشلونك
الدمع بعیوني و انت السهم بعیونك
شگولن للحنینات
عفت عبّاسهن وین
ترد ویّاي لو لا
یبعد عیون الحسین
ضوه ما بین السهام
تبدّه افیاي الخیام
بعد ماعندي خوّان
 
أخذ کل حیلي یا ناس
عمود الطاح بالراس
طیّح عَمَد خیمتنه الچبیره
لگیت آثار الزنود
مطبوعات عالجود
صحت ویلاه یا بدر العشیره
رجعت ابلا اخو و الخیم سألني
یبعد العافیه لیش الظهر محني
صحت و آنه الدمع یاخذني و ایردني
یخیمات النهر فرهد گمر مني
نهر عطشان للماي
و أخذ من عندي الچفوف
الضوه بعیوني عبّــاس
و بعد بعیوني ماشوف
النهر من باگ الاحلام
تبدّه افیاي الخیام
بعد ماعندي خوّان
 
غریب لوحدي ظلیت
وي زینب تلاگیت
عین بعین سولفنه و بچینه
العطاشه لا یسمعون
اخیّچ طاح یم عون
صفگنه الراح عالراح امن ادینه
اهنا زینب قرت یم منحري المقتل
و ذیچ الساعه دارت عینها اعله التل
صاحت یخوتي یاجرح اتحمّل
حرگ الخیم؟ ذبحك؟ صعدت الهزّل؟
مادام العَلَم طاح
هزیله باچر النوگ
چبیره اعله اخت الحسین
تطب مچتوفه للسوگ
أسمعه ایصیحلي الشام
تبدّه افیاي الخیام
بعد ماعندي خوّان

تعليقات

لإرسال تعليق یجب أن تسجل في الموقع

لطميات

more_horiz

مقالات المرتبطة

آخر الصوتيات المضافة

آخر المرئيات المضافة

  • 2.00x
  • 1.50x
  • 1.00x
  • 0.75x