لطمية انة الحرة اخت عباس انة الزلزلة الكبرى مكتوبة

 

الرادود قحطان البديري

 

 

انة الحرة اخت عباس
انة الزلزلة الكبرى
احذر يا امير الشام
زينب عالعرش ثورة
انة المن طبتي للشام ما طبيت مسبية
جبت هيبة علي وياي خيمة تضلل أعلية
گبل لا احجي احس الگاع ترجف جوة رجلية
صلت صولة علي الكرار گالوا بت علي هية
انة اخت المن زعل عالماي
ذب اليمنة واليسرة
علة الهزل وبين الروس متقصدين مشوني
چويات وزراگ متون كلساعة يراووني
يدرون اليتامى جروح ياذوهة ويلچموني
رغم كل هذا لا ذليت لا گدروا يكسروني
يطگها ويسجدلها الفاس بس ما تسجد الشجرة
أحس براسي صاح حسين من هديت عفية اختي
وأحسة تبسم العباس من سولفت سالفتي
تنومس چي يشوف الناس خافت حتى من صمتي
يگلي لظهري صرتي حزام من شفتچ تحزمتي
أشطري الروس من تحچين كل كلمة بألف طبرة
حرامات الحچي وي يزيد بس الثورة مريودة
لازم اكشف المستور وافضح فعلتة السودة
هجمت وكلمتي زلزال هزت عرشة وجنودة
تلگاني ابو فاضل رغم مگطعة زنودة
حي الله العقيلة يصيح حيدر هوة والزهرة
اليوم بظلمك تباهيت باچر بيش تتباهة ؟
باچر بالحشر شتگول من تلگة الخصم طه ؟
كد كيدك والله يكيد والمن شوف عقباهة
جدامك جبل من نور كسرة زينب انساهة
ثورة نبي عالشيطان حتى دموعنة الحضرة

تعليقات

لإرسال تعليق یجب أن تسجل في الموقع

لطميات

more_horiz

مقالات المرتبطة

آخر الصوتيات المضافة

آخر المرئيات المضافة

  • 2.00x
  • 1.50x
  • 1.00x
  • 0.75x