Sun20210725


مخطوطة عالباب

باسم الكربلائي

باسم الكربلائي
لطميات
إجعل هذا الفيدیو في موقعك
128 × 72
240 × 135
480 × 270
640 × 360
عرف
:طول
px
:عرض
px
مخطوطة عالباب - باسم الكربلائي
تاريخ الاضافة
2020-08-12
المشاهدة
640
المدة
00:00:00
عدد التحميلات
156

نص هذا المقطع

قصيدة : مخطوطه عالباب
للشاعر : حمزة السماوي
 المناسبة : الليالي الفاطمية الثالثة 1440
المکان : موكب اهالي المسيب - الحلة
الرادود : الحاج ملا باسم الکربلائی 

مخطوطه عالباب .. بغضا بعلي
معروفة الاسباب .. بغضا بعلي
كل دين الأصحاب .. بغضا بعلي
******
يشيب الگلب لمّن يكبر احساسه
هضيمه الينبغض من تنظلم ناسه
علي كل المصايب طاحت ابراسه
الهوه عادوه جيف يخالط انفاسه
عرض الله مصيون .. يعني فاطمة
عن من يسألون .. يعني فاطمة
جهلوها الأنساب .. بغضا لعلي
******
فگد الزوجه مو هين و فرگاها
لو عشرة يجن ما ينسه ذكراها
ابذنب ما اله ذنب يتحلل ادماها
باب امن الجذوع اتطيح فوگاها
ثالث سبط راح .. من هالعائلة
اول طفل راح .. من هالعائلة
كاروكه الأتراب .. بغضا لعلي
******
ابحواس الخمسه اكو للعين اهميه
اذا تنخدش تنسه الراحة يوميه
شلون ابسطرة من جف عبد عن ميه
سبب من الاسباب الزهره شيعية
شالوا لوه الجيش .. يا ثار هبل
الثاني ارتجل ليش .. يا ثار هبل
ردوا عالاعقاب .. بغضا لعلي
******
تعالج و الكسر هيهات يتعالج
ابقتل حجة الباري الناس تتحجج
يظل اصعب سؤال الـ بي نظل نلهج
الزهره تنضرب و الناس تتفرج
يا ضامر الناس .. اترك نومتك
ذيل و گطع راس .. اترك نومتك
و يرد الأجواب .. بغضا بعلي
******
الگمر شيّع شمس و مات الضوه ابلحظة
علي نبضه الوديعه و سكتوا نبضه
مو بس الله حتى ابليس ما يرضه
الذهب حيدر تحاجيه بالصبر فضه
شيصير ابو حسين .. و شعنده گلب
مو وحده و ثنين .. و شعنده گلب
شيتحمل اصواب .. بغضا بعلي
******
علي اول شخص بيده حفر گره
عايش بس ابد ما هانت العشره
حزن عالم الحزنه ما وصل عشره
ليلة سهر وحدة تنحسب عشرة
عايش عالجروح .. عاشر دمعته
و منه خذوا روح .. عاشر دمعته
كل هذا الغياب .. بغضا بعلي

المرسل: الأحد, 06 كانون1/ديسمبر 2020